سەرەکی » وەرزش » ئینته‌ر ده‌یه‌وێت یاریگاكه‌ی به‌ منداڵان پڕ بكاته‌وه‌

ئینته‌ر ده‌یه‌وێت یاریگاكه‌ی به‌ منداڵان پڕ بكاته‌وه‌

یانه‌ی‌ ئینته‌ر میلان له‌ هه‌وڵدایه‌ بۆ ئه‌وه‌ی له‌ كاریگه‌ری یاری كردنی به‌بێ هانده‌رانی كه‌م بكاته‌وه‌ له‌ 2 یاری داهاتووی له‌ خولی ئیتاڵیا.
ئینته‌ر به‌هۆی وتنه‌وه‌ی هوتافی ره‌گه‌زپه‌رستی دژی كۆلیبالی یاریزانی ناپۆلی له‌لایه‌ن یه‌كێتی تۆپی پێی ئیتاڵیا به‌توندی سزادراوه‌ كه‌ ده‌بێت 2 یاری داهاتووی له‌ یاریگای جۆزیپی میاتزا به‌بێ بوونی هانده‌ران ئه‌نجام بدات.
ئینته‌ر رۆژی 20ی ئه‌م مانگه‌ یه‌كه‌م یاری له‌ سزاكه‌ی‌ جێ به‌جێ ده‌كات كه‌ روبه‌ڕوی یانه‌ی‌ ساسۆلۆ ده‌بێته‌وه‌ و ئیداره‌ی یانه‌كه‌ش تانه‌ی‌ له‌ بڕیاره‌كه‌ نه‌داوه‌، به‌ڵام داوای كردوه‌ له‌بری ئه‌وه‌ی‌ كورسیه‌كانی یاریگاكه‌ چۆڵبن منداڵان ئاماده‌ی‌ یارییه‌كه‌ بن.
ئینته‌ر له‌ پێگه‌ی‌ ره‌سمی خۆی داواكه‌ی‌ پێشكه‌شی یه‌كێتی تۆپی پێی ئیتاڵیا كردوه‌و نووسیویه‌تی: ئینته‌ر ده‌یه‌وێت رایبگه‌یه‌نێت تانه‌ له‌ بڕیاری سزاكه‌ی‌ نادات و له‌بری ئه‌وه‌ ئه‌وه‌ داوا ده‌كه‌ین رێگه‌ بدرێت منداڵان ئاماده‌ی‌ یارییه‌كه‌ بن.
ئینته‌ر ئاماژه‌ی به‌وه‌شداوه‌ كه‌ ئه‌مه‌ سه‌ره‌تایه‌كی باش ده‌بێت بۆ رووبه‌ڕووبوونه‌وه‌ی‌ ره‌گه‌زپه‌رستی و هه‌موو جۆره‌كانی تری توندو تیژی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

تۆپی پێ چییە؟

دانەر ئەسڵان لە نێو تەواوی وەرزشەکاندا وەرزشی تۆپی پێ لەم ...