سەرەکی » وەرزش » تیپی دۆكاتی ماتۆڕه‌ نوێیه‌كه‌ی‌ ناساند

تیپی دۆكاتی ماتۆڕه‌ نوێیه‌كه‌ی‌ ناساند

تیپی دۆكاتی ئه‌و ماتۆڕه‌ی ئاشكرا كرد كه‌ ئه‌م وه‌رزه‌ به‌شداری پاڵه‌وانێتی جیهانی مۆتۆ جی پی پێده‌كات و هیوای ئه‌وه‌ش ده‌خوازێت كۆتایی به‌ كۆنتڕۆڵی هۆندا بهێنێت.
دۆكاتی ئه‌م وه‌رزه‌ له‌ رێگه‌ی‌ ئه‌ندریا دۆڤیسیزیۆی ئیتاڵی و دانێلۆ پیترۆتچی ركابه‌ری تیپی هۆندا ده‌كات كه‌ مارك ماركێزی پاڵه‌وانی جیهان له‌ ریزه‌كانیدایه‌.
پێترۆچی پێشتر ساڵی 2015 له‌ تیپی دۆكاتی بووه‌و ئه‌م وه‌رزه‌ش جارێكی تر گه‌ڕاوه‌ته‌وه‌ تیپه‌كه‌ بۆ ئه‌وه‌ی‌ جێگه‌ی‌ خۆرخی لۆرنزۆ بگرێته‌وه‌ كه‌ چووه‌ ریزی تیپی هۆندا.
سه‌باره‌ت به‌مه‌ش وتی: پێم وایه‌ من و ئه‌ندریا ده‌توانین كاری زۆر باش به‌یه‌كه‌وه‌ بكه‌ین، هیوام وایه‌ زۆری لێوه‌فێربم و یارمه‌تی یه‌كتری بده‌ین.
له‌به‌رامبه‌ردا ئه‌ندریا وه‌رزی رابردوو توانی له‌دوای ماركێز پله‌ی دووه‌م به‌ده‌ست بهێنێت و مانگی رابردووش بۆنده‌كه‌ی‌ له‌گه‌ڵ تیپه‌كه‌ی‌ نوێ كرده‌وه‌.
ئه‌ندریا سه‌باره‌ت به‌ ماتۆڕه‌ نوێیه‌كه‌ وتی: ئه‌م ماتۆڕه‌م خۆش ده‌وێت چونكه‌ ره‌نگی به‌ته‌واوی سووره‌، من هه‌ستم بۆ ماتۆڕ هه‌یه‌ چونكه‌ هه‌موو ورده‌كاریه‌كی بزوێنه‌ره‌كه‌ ده‌زانم و پێم وایه‌ به‌م ماتۆڕه‌ ده‌توانم ركابه‌ری له‌سه‌ر نازناوه‌كه‌ بكه‌م.
ماوه‌ته‌وه‌ بڵێین وه‌رزی نوێی مۆتۆ جی پی رۆژی 10ی 3 له‌ قه‌ته‌ر ده‌ستپێده‌كات و مانگی 2ش قۆناغی تاقیكردنه‌وه‌كان له‌ مالیزیا به‌ڕێوه‌ده‌چێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ره‌خنه‌ له‌ 13 گۆڵه‌كه‌ی‌ ئه‌مریكا ده‌گیرێت

هه‌ڵبژارده‌ی‌ ئه‌مریكای پاڵه‌وانی جیهان له‌ یه‌كه‌م یاری خۆی له‌ مۆندیالی ...