سەرەکی » وتار » ته‌ها سلێمان‌ » گه‌ڕانه‌وه‌ بۆ ئاوایی

له‌ نێوان ئێره‌ و ئه‌وێ دا

گه‌ڕانه‌وه‌ بۆ ئاوایی

78
سه‌ی قادر سه‌ی ئه‌حمه‌ی سه‌ی فه‌ره‌ج، كه‌ خه‌ڵكی ئاوایی گه‌رمكن لێل بنه‌ماڵه‌ی ئێمه‌ خاڵۆو خوارزان و كوره‌ چوزانم وه‌ڵاهی ئه‌وه‌نه‌ تێكه‌ڵن كه‌س سه‌ریان له‌به‌ر ده‌رناكات. باوه‌ڕتان بێ پێش چه‌ند ساڵێك به‌خاڵۆم سه‌ی عه‌بدوڵا كه‌برا گه‌وره‌ی خاڵۆم سه‌ی قادره‌ وت: ئه‌رێ خاڵۆ تۆ سێ عومر ئێمه‌ت هه‌یه‌ پێم بێژه‌ خێره‌ هه‌ر مناڵێكی ئێمه‌ ئه‌وینی ئه‌چه‌مێیته‌وه‌و خاڵۆ خاڵۆ ئه‌كه‌فیته‌ شوێنی؟ جا خاڵۆم سه‌ی عه‌بدوڵا تۆزێك گاڵته‌و شتیش ئه‌كات و وتی: ئه‌ی تڕحێو ته‌واومان كرد؟ وتم بۆ؟ وتی: ئه‌ی باشه‌ بابات عیسا برای دایكی من نیه‌؟ نه‌وه‌ڵا نازانم چۆن؟ وه‌لحاڵ چیرۆكه‌كه‌ی به‌دویرو درێژی بۆم باسكردو له‌یره‌ جێی ناوێتۆو با بڕۆینه‌ لای باسه‌كه‌ی خاڵۆم سه‌ی قادر، ئه‌و پیاوێكی كه‌ڵه‌گه‌تی باڵا به‌رز، مووزه‌ردو چاوشین، ئێژن وه‌گه‌نجی هه‌م قۆز بویه‌و هه‌میش موكه‌سه‌راتی زۆری هه‌یه‌، به‌تایبه‌ت لێل كچ وكوڕه‌كانی ئاوایی. خراپ تێمه‌گه‌ مه‌به‌ستم له‌ موكه‌سه‌رات ئه‌وه‌یه‌ به‌رده‌وام هاوڕێ كچ وكوڕه‌كانی خستوه‌ته‌ تالوكه‌وه‌و عه‌یب نه‌وێ وه‌مناڵی هه‌ر دزییه‌كیان كردوێ، هاوڕێكانی پێوه‌ كردوه‌و خۆی تێی قوچانوه‌. ئیسا باسه‌كه‌ مناڵی نیه‌، نا ئه‌و كاته‌یه‌ كه‌ سه‌ی قادر جاحێڵێكی پڕو چاپوك و گورج و گۆڵه‌و ڕانه‌ مه‌ڕه‌كه‌یان له‌ چه‌م ئاوه‌سپی كردوه‌ته‌ ئه‌م به‌رو له‌ جه‌وه‌ڵی مازویخ و سه‌ختایه‌كانی كه‌ڵهه‌ڕ شه‌وه‌كه‌ژن و شوانێكی تریشی لێلایه‌، كه‌ من بیرم چویه‌تۆ ناوی چیه‌.
ئێمه‌ گشتمان له‌ ده‌وری كۆبیومانه‌تۆ سوپا دارینه‌كه‌ پڕی پشقله‌و گه‌رم بویه‌و هێڵه‌ی تێ و چایه‌كه‌یشمان له‌سه‌ر سۆپه‌كه‌ سیتكه‌ ئه‌كا، خاڵۆم قادر خۆی پێ نه‌گیراو وتی: ئه‌رێ شه‌قم برد چایه‌كم پێ بده‌ن، ئێوه‌ نازانن من جغاره‌ خۆرم و بێ چایی نامكرێ. بێگه‌ردی خۆیشكم چایه‌كی بۆی تێكردو دووباره‌ی كرده‌وه‌، منیش پێم وت:
-خاڵۆ..
-گیان خاڵۆ..
-ئه‌وه‌ بۆباسی دره‌خته‌كه‌مان بۆ ناكه‌ی..
-كۆن بویه‌ خاڵۆ..
-قه‌ینا خاڵۆ با هه‌متر بیژنه‌فین و بیرمان نه‌چێتۆ..
-ئاخر دویرو درێژه‌ خاڵۆ..
-قه‌ینا خاڵۆ شه‌وگار زمسان درێژه‌و ئیشمان چیه‌..
-خاڵۆم قادر ده‌ستی پێكردو وتی: (ئه‌وه‌ ساڵێك بووی، زمسانه‌كه‌ی سه‌ختوی، رانمان بۆ شه‌وه‌ كه‌ژ هاورده‌ ئه‌م به‌ر ئاوه‌سپی وناو كه‌ڵهه‌ڕ، شه‌و بارانێكی زۆر واری و كێشه‌ نه‌وی، چوینكه‌ وه‌سڵی باشمان پێبوی. دوای شه‌واژۆی ڕان نوێژی به‌یانیم كردو وه‌هاوڕێكه‌م وت من ئه‌چمۆ بۆ ئاوایی و دوایی نیوه‌ڕۆ تێمۆ، كه‌فتمه‌ڕێ. ئێ خۆتان ئه‌زانن ناو كه‌ڵهه‌ڕ سه‌خته‌و بڕێكیش ترسی تیایه‌، به‌س كوا من ئه‌ترسیام؟ گه‌نج بویم و وه‌قوه‌ت بیم وحساوم بۆ هیچ نه‌ئه‌كرد. كاتێ گه‌یمه‌ ناو پێچ وسه‌ختایه‌كانی كه‌ڵهه‌ڕ، به‌له‌وه‌ی بگه‌مه‌ سه‌ر ئاوه‌سپی و قه‌ڵای مه‌حاشرین و باخه‌كه‌ی سه‌ی بابا، له‌ یه‌كێك له‌ پێچه‌كانا گوێم له‌ ده‌نگ وزریكه‌یه‌ك بوی. له‌دڵی خۆما وتم ئه‌وێ ئه‌مه‌ چی وێ وه‌م به‌یانی زویه‌؟ ئینجا هه‌ر خۆمیش وه‌خۆمم وت ئه‌ی عه‌مرت كه‌یه‌مێنێ قاله‌ ئه‌وه‌ چیته‌ ئێژی ئه‌ترسی؟
-ئێمه‌ گشتمان وه‌یه‌كۆ ئه‌مانوت ئێ..
-ئێتان باقی وێ، وه‌ڵا هه‌م كه‌فتمه‌ڕێ و ئه‌وه‌نه‌م زانی ده‌نگ و زریكه‌كه‌ زیاتر بوی، ئا شتێك كه‌فته‌ به‌رچاوم و به‌ره‌و ڕویم هات، منیش وتم با رێگاكه‌ به‌ربده‌م و ئه‌و بڕواو كه‌فتمه‌ لاچه‌مه‌كه‌. یه‌عنی رێگا سه‌ره‌كیه‌كه‌م به‌ردا. كه‌چی ئه‌ویش رێگاكه‌ی به‌رداو هات به‌ره‌و چه‌مه‌كه‌و لای من. دووباره‌ زریكانی و خێراتر هات و ئیتر هیچ مه‌جالم نه‌ما، هاوارم كردو ئه‌وه‌نه‌م بیره‌ كه‌وتم پیری قه‌ره‌چێوارو پیر خدر هاواره‌و لیل شتێك بویه‌ زۆرانمان و یه‌ك تێرین و یه‌ك ئه‌وه‌ین، ئه‌وه‌نه‌ یه‌كمان هاوردو یه‌كمان خوڵمانه‌وه‌، شه‌ل وكول بویمان. جار جار خه‌ریك ئه‌وی ته‌سلیم ئه‌ویم و ئینجا هه‌ر خۆم ئه‌موت قاله‌ غیره‌ت بده‌ خۆت، به‌یانی چی ئێژی وه‌خه‌ڵك ئاوایی و ئیتر كه‌مێك غیره‌تم ئه‌هاته‌وه‌ به‌ر. خاڵۆ زۆرانه‌كه‌مان فره‌ سه‌ختوی، بم زانیایه‌ ئه‌وه‌نه‌ وه‌قوه‌ته‌ رام ئه‌كردو خۆم تویش نه‌ئه‌كرد، به‌ڵام چی بكه‌م و تازه‌ تویش بویمه‌و یان ئه‌وێ بمكوژێ و بمخوا یان ئه‌وێ شتێكی لێبكه‌م.
من نه‌م ئه‌زانی سه‌عات چه‌نه‌و وه‌خت وه‌كوێ گه‌یه‌، به‌س ته‌واو هه‌ستم وه‌مانوی بوین ئه‌كردو كه‌مه‌كه‌مه‌ خه‌ریكوی شل ئه‌یومۆ، به‌ڵام هه‌م ئه‌موت غیره‌ت قاله‌ غیره‌ت ئیتر غیره‌ت بۆ كه‌یه‌و به‌رده‌وام ئه‌ویم، خاڵۆ باوه‌ڕبكه‌ن هێزێكم بۆ هات و كاتێكم زانی دره‌خته‌كه‌م له‌ كه‌ناری كه‌نێك نزیك كردوه‌تۆ، به‌ هه‌موو قوه‌تم پاڵێكم پێوه‌ نا، كه‌ ئه‌و وه‌قوینا رۆیی و منیش وه‌دویایاو رێك كه‌فتمه‌ سه‌ر ده‌م و چاوی و هه‌ردوو ده‌ستم خسته‌ ناقڕه‌ی و به‌رمنه‌دا تا تویشی قرخه‌قرخ بوی، دوای نزیكه‌ی چاره‌ك ساعاتێك كه‌مێك ده‌سم شل كردو دیم ناتوانێ وه‌ك یه‌كه‌مجار بجویڵێ و به‌ردێكی گه‌وره‌م له‌نزیكم وه‌دی كردو وه‌ده‌ستێكم پلم داو هاوردمه‌ به‌رۆو ئینجا وه‌هه‌ردوو ده‌سم هه‌ڵم گرت و هه‌تا خوا تاقه‌تم بدا دام به‌سه‌ریاو دوای ئه‌وه‌ هه‌ڵسیام و رامكردو له‌كاتی راكردنا سه‌یری دویام ئه‌كرد ئه‌موت بزان نه‌كه‌فتوته‌ شوێنم. بڕێك راكردن و چویمه‌ سه‌ر یاڵێك و چیچكه‌م كردو دێم له‌ شوێنی خۆی ناجویڵێ، دووباره‌ وه‌ ترس و له‌رزۆ رۆیمه‌وه‌ بۆ لای وسه‌ر ئه‌كه‌م ته‌واو بویه‌، ئه‌وسا سه‌یری خۆمم كرد گیانم گشتی خوێن و زام و شوێن قه‌پ و چڕنۆكی دره‌خته‌كه‌یه‌و ئیتر لێمدا رۆیمه‌وه‌ بۆ ئاوایی وهه‌ر كه‌ زه‌لام ئاوایی چاویان پێم كه‌وت وایانزانی له‌گه‌ڵ شوان و گاوانی ئاوایی شه‌ڕم كردوه‌؟ كه‌ باسم كرد بۆیان تویشی چشتێكی ئاوا بویمه‌ باوه‌ڕییان نه‌ئه‌كرد، بۆیه‌ خه‌ڵك ئاوایی كۆبیونۆو رۆیمان بۆ شوێنی رووداوه‌كه‌و دره‌خته‌كه‌مان ناوه‌ بان پشتی كه‌رێكۆو هاوردمان بۆ ئاوایی وتا دوو ڕۆژ نه‌ك هه‌ر خه‌ڵكی ئاوایی خۆمان، بگره‌ خه‌ڵكی ئاواییه‌كانی تریش ئه‌هاتن بۆ سه‌یری و ئیتر هه‌ر یه‌كێ قسه‌یه‌كی ئه‌كرد، به‌ڵام ئاخر جار وتیان ئه‌م دره‌خته‌ پێی ئێژن «وێز» و له‌ پڵنگ تیژترو دڕتره‌و زۆر ده‌گمه‌نه‌.
جا خاڵۆ دوای هه‌فته‌یه‌ك هاتم بۆ قه‌لاچه‌رمه‌ڵه‌و ئه‌م باسه‌م بۆ گشت زه‌لامه‌كان ئه‌كرد، یادی به‌خێر كاكه‌ خوله‌ی برای حه‌مه‌ی ره‌شید خه‌لیفه‌ له‌ كۆتایی قسه‌كانا، كه‌ گشت زه‌له‌مه‌كان حه‌په‌سیابوین وتی:( سه‌ید به‌و خوا ئه‌وه‌ی تۆ باسی ئه‌كه‌ی توێ رێوی بێ)..
79
زۆر نیه‌ بۆم باسكردن كه‌ باوكم له‌ معامه‌له‌ی تاعین بوینه‌كه‌ی هاتۆو دایكمیش تازه‌ مناڵی بوی، باوكم له‌ خۆشه‌ویستی ئه‌و كچه‌ی معامه‌له‌كانی وه‌ڕێ خستوی ناوی نا «بێگه‌رد»، بێگه‌رد بویه‌ یه‌ك ساڵ و باوكم بویه‌ عه‌سكه‌ر، ئه‌ها بیرتانه‌ له‌ زۆر شوێن ئه‌موت دایكم خۆی سه‌روكاری ئیشه‌كانی ئه‌كرد. ئا ئیسا كۆتایی جۆدره‌وه‌و بڕكی بۆیسان له‌ چه‌م ئاوه‌سپی خڕیله‌بویه‌و ئه‌وێ كورده‌واری وته‌نی ملیان بوه‌سی، جا وه‌غه‌ڵه‌ت تێمه‌گه‌ن ئه‌زانن مل وه‌ستن چوێنه‌؟ هه‌ر له‌ناوچاڵه‌كه‌ كه‌بڕكه‌كه‌ی تیایه‌، له‌و زبڵ وورده‌ زیخ و لمه‌ی له‌ناو چاڵه‌كه‌دایه‌ ئه‌یكه‌یته‌ بن مل بڕكه‌كه‌و ئه‌وه‌ پێی ئێژن مل وه‌ستن. بۆ ئه‌م ئیشه‌ ئه‌وێ هه‌ر بچیت بۆ ئاوه‌سپی، ئه‌ینا دویای بۆیسانه‌كه‌و به‌رهه‌مه‌كه‌ی خراو ده‌رئه‌چێ، بۆیه‌ دایكم منی خسته‌پشت خۆی له‌سه‌ر كه‌ره‌كه‌و به‌یانیه‌كه‌ی زووی ده‌رچویمان به‌له‌ خه‌ڵك گه‌یمانه‌ ئاوه‌سپی و دایكم خه‌ریكی مل وه‌ستنی بڕكه‌كان بوی، منیشی نارد بۆ لای مام ته‌قی وتی: بێژه‌ دایكم ناردمی یه‌ك كیلۆ بامیه‌ی باشم پێ بده‌، جا قسه‌تێ و قسه‌ ئه‌وڕێ نۆنه‌خشه‌ی بامێش بووی، منیش رۆیم و له‌مام ته‌قی نزیك بیومۆ وتی:
-مناڵی كێی كوره‌؟
-كوڕ سلێمان و مه‌یره‌مم..
-های های كوڕ خاڵۆی بێ ماچت بكه‌م..
-چیت گه‌ره‌كه‌ كوڕ خاڵۆ؟
-دایكم وتی یه‌ك كیلۆ بامیه‌ی باشمان بۆ بكێشێ..
-ئه‌ی وه‌بان چاو..
-خاڵۆ ته‌قی كیلۆیه‌ك بامیه‌و به‌خوا وابزانم سه‌رگرانیش بووی، كێشای ومنیش هاتم پاره‌كه‌ی پێبده‌م ده‌ په‌نجایی بووی، ئه‌و وتی: سه‌لام بكه‌ كوڕ خاڵۆی و بێژه‌ دایكت بێژه‌ خاڵۆ ته‌قی وتی ئه‌وه‌ ئه‌و پاره‌یه‌ بۆ مناڵه‌كان بداته‌ شتێكی تر.
-باشه‌ دایه‌..
-ئا ڕۆڵه‌..
-ئه‌و پیاوه‌ بۆ وتی من خاڵۆتانم؟
-ئاخر كوڕم ئه‌وه‌ خه‌ڵك ئاوایی قه‌واڵیه‌..
-ئێ باشه‌ به‌س ئێمه‌ خاڵۆم مه‌نسورمان له‌وره‌ هه‌یه‌..
-ئه‌زانم كوڕم به‌س ماڵ ئێمه‌و باوك مام ته‌قی به‌س حه‌ڵاڵمان له‌ یه‌ك جیابویه‌..
-ئه‌ها..
-ئه‌ی چوێن ئه‌وانیش خاڵۆتانن..
-هاتینۆو گه‌یمانه‌ ماڵ و بۆ ئێواره‌كه‌ی دایكم بامێی ناوه‌ته‌دارو هاوه‌سه‌ر كوانوی ئاگرۆ له‌سه‌ربان، وابزانم من ونه‌زیره‌ خه‌ریك بویمان سه‌ری بزنمان بۆ دایكم ئه‌گرد بیدۆشێ و مناڵه‌كانی تریش له‌سه‌ر بان بوین چاوه‌ڕێی ئێمه‌یان ئه‌كرد بڕۆین و وه‌یه‌كۆ نان بخۆین، له‌ پڕ زریكه‌ هه‌ڵسیاو نازانم كامیان بوی وتی: ئه‌رێوه‌ڵا بێگه‌رد سوزیا، دایكم رایكردو ئێمه‌ش وه‌دویایا بۆ سه‌ربانه‌كه‌و بێگه‌رد وه‌ك مامری ئاوڕویت كریاو هه‌ڵه‌ئه‌به‌زی وتوومه‌زه‌ كاتێ له‌ حه‌نای قوشقانه‌ ئاشه‌كه‌و كوانوه‌كه‌ۆ هه‌ڵگژیاوه‌ته‌ شویره‌ی سه‌ربانه‌كه‌دا، پشتاو پشت كه‌فتوه‌ته‌ ناو قوشقانه‌ ئاشه‌كه‌. ئه‌و شه‌وه‌ نه‌خه‌وما، نه‌نان خواردن ما، ماڵی مام حه‌میدو مامه‌م مه‌لاو مامه‌م سه‌عیدو مامه‌م مه‌حه‌مه‌دو حاجی عه‌لی گشتیان كۆبوینۆ، به‌یانیه‌كه‌ی زوی مامه‌م سه‌عیدو دایكم بردیان بۆ شارو له‌وسه‌رۆ هاتنۆ یه‌ك مه‌ڵهه‌مێكیان داوی پێیان له‌گه‌ڵ بڕێك دیتۆڵ، دنیاش تابێ گه‌رمتر ئه‌وێ و شوێن سوزیانه‌كه‌ش له‌ پشت ملیه‌وه‌ تا بان سمتی گرتوه‌ته‌وه‌و وه‌ك ئاش هه‌ڵ ئه‌كوڵێ.
دوای هه‌فته‌یه‌ك رێبوارێك نازانم كێ بوی، نیوه‌ڕۆكه‌ی بویه‌ میوانمان و سوعالی كرد ئه‌وه‌ ئه‌و مناڵه‌ چییه‌تی؟ باوكم كه‌ وه‌ئیجازه‌ هاتیوۆ وتی وه‌ڵا سوزیاوه‌، ئه‌ویش وتی هیچ وه‌كار مه‌ێرن و سوعالی كرد كه‌س له‌ ئاوایی مه‌كینه‌ی هه‌یه‌؟ باوكم وتی به‌ڵێ.. داوای كرد بڕۆین رۆنی سوزیاوی مه‌كینه‌ی بۆ بێرین و چویمان هاوردمان، وه‌به‌رچاومانۆ وه‌ په‌ڕه‌ مامر شوێنی سوزیانه‌كه‌ی پاك چه‌وركردو وتی: ئینجا ئه‌وێ هه‌موو رۆژێك زامه‌كه‌ وه‌ دیتۆڵه‌كه‌ بشۆن ودوای وه‌رۆن مه‌كینه‌ چه‌وری بكه‌ن وه‌ یه‌ك هه‌فته‌ چاك ئه‌وێتۆ. هه‌روامان كردو قسه‌كه‌ی میوانه‌ راست ده‌رچوی، باوه‌ڕبكه‌ن یه‌ك هه‌فته‌ی نه‌ورد شوێن سوزیانه‌كه‌ به‌ره‌ به‌ره‌ رووی له‌چاك بوین رۆیی..

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

گه‌ڕانه‌وه‌ بۆ ئاوایی

74 كچ و كوڕه‌كانی ئاوایی زۆر گووناه بیووین، ئه‌توانم سوێن ...