سەرەکی » هەمەڕەنگ » باڵیۆز.. لە سلێمانییەوە بۆ جنێف بڵاوکرایەوە

باڵیۆز.. لە سلێمانییەوە بۆ جنێف بڵاوکرایەوە

رۆژی 2/3/2019 لەهۆڵی كافێ نێتی ئەمنە سوورەكە بەبەشداری ژمارەیەكی زۆر لەئەدیبان و نووسەران، مەراسیمی دابەشكردنی كتێبی (باڵیۆز.. لەسلێمانییەوە بۆ جنێف، دیدار لەگەڵ د. محەمەد سابیر) لەئامادەكردنی رۆژنامەنووس خەڵەف غەفوور بەڕێوەچوو.
لەمەراسیمەكەدا خەڵەف غەفوور نووسەری كتێبەكە وتەیەكی پێشكەشكرد، تێیدا سوپاسی سەرجەم ئەو كەسانە كرد كە لەنووسینی كتێبەكەیدا هاوكاری بوون، داوای لێبووردنیشی بۆ هەر كەمووكوڕییەك كرد ئەگەر لە كتێبەكەیدا هەبێت.


كتێبەكە كە لەدووتوێی 232 پەڕەدایەو د. محەمەد سابیر رایگەیاندووە سەرەتای چاوپێكەوتنی ئەم دیدارەی بۆ ساڵێك لەمەوبەر دەگەڕێتەوە، دیارە لەماوەی ئەم ساڵەشدا زۆر شتی تر ڕوویداوە. بەگوێرەی پرسیارەكان وەڵامم داوەتەوەو ئەو پرسیارانەی كراوە بەشێكی دەربارەی باری خێزانی و قۆناغی منداڵیمە، واتە چەند پەڕەیەكی باسی ژیانی خۆمە. راشیگەیاندووە: کتێبەکە باس لەوێستگەكانی ژیانی سیاسیم دەكات كە لە چ وەختێكەوە دەستم بە كاری سیاسی كردووە، من لەسەرەتای ساڵی شەستەكانی سەدەی ڕابردووەوە كە لەیەكێتی قوتابیان و دواتر پارتی دیموكراتی كوردستان و پاشان باڵی مەكتەبی سیاسی پارتی كارم كردووە، هەروەها رۆڵم هەبووە لە دامەزراندنی كۆمەڵەی ڕەنجدەرانی كوردستان و بەرپرسیارێتم هەبووە لەو كۆمەڵەیەدا، هەروەها ئاماژەم بە نوێبوونەوەی شۆڕش كردووە كە لە ساڵی 1974 چوومەتە دەرەوەو بوومەتە پێشمەرگە، هەروەها باسی رۆڵی خۆمم كردووە لەناو یەكێتیی نیشتمانیی كوردستان كە لێپرسراوی دەرەوەی یەكێتی بووم لقی ئەوروپا، دواین وێستگەشی ئەوەیە كە چۆن بوومەتە باڵیۆز.
لەكۆتایشدا د. محەمەد سابیر ئاماژەی بەوە داوە کە پرۆژەی داهاتووی پرۆژەیەكە باس لەئەزموونی دیپلۆماسی و كاری دیپلۆماسی و هەروەها مێژوویەكی دیپلۆماسی و بەرەو پێشەوەچوونەكان دەكات.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شه‌مه‌ندۆفێری‌ موشه‌ک هاوێژ

ئاژانسی‌ هه‌واڵی‌ نۆڤستی‌ له‌ زاری‌ ئیگۆر كۆرۆچبینكۆ سه‌رنووسه‌ری‌ گۆڤاری‌ ناسیۆنالنایا ...