سەرەکی » ئابووری » ئاستی ئاوی بەنداوی دوكان بەرزبۆتەوە

ئاستی ئاوی بەنداوی دوكان بەرزبۆتەوە

یەکەی ئابووری

ئاستی ئاوی بەنداوی دوكان بە شێوەیەكی بێوێنە زیادی كردووە و بەڕێوەبەری بەنداوەكەش رایدەگەیەنێت، «تەنها چوار مەتر ماوە بۆ پڕبوونی بەنداوی دوكان».
لەوبارەیەوە، حەمە تاهیر جەلال بەڕێوەبەری بەنداوی دوكان، بە ماڵپەڕی (PUKmedia)ی راگەیاند: ئاستی ئاوی بەنداوی دوكان (506,90) مەتر لە ئاستی رووی دەریاوە بەرز بووەتەوەو بەمەش تەنها چوار مەتر ماوە بۆ پڕبوونی بەنداوەكە.
بەڕێوەبەری بەنداوی دوكان وتیشی: «بەراورد بە ساڵانی پێشوو، هیچ كات لەم كاتەدا ئاوی بەنداوەكە بەو رێژەیە بەرز نەبوەتەوەو ئەمەش كاریگەری لەسەر چارەسەركردنی كێشەی كەم ئاوی ناوچەكە دەبێت لە وەرزی هاویندا».
هاوكات حەمە ئەمین هەورامی وتەبێژی وەزارەتی كارەبای هەرێم، لە لێدوانێكیدا بۆ (PUKmedia) رایگەیاند: بەرزبوونەوەی ئاوی بەنداوەكانی هەرێم كاریگەری لەسەر باشتربوونی رەوشی كارەبای ناوچەكە دەبێت.
وتیشی وتەبێژی وەزارەتی كارەبای هەرێم: «لە ئێستادا وێستگەی دوكان چەند كێشەیەكی تەكنیكی تێدایە و دوای چاككردنەوەی دەتوانین بەرهەم هێنانی كارەبا زیاتر بكەین».
حەمە ئەمین هەورامی راشیگەیاند، هەرچەندە وێستگە ئاوییەكان تەنها (6 %) كارەبای هەرێم دابین دەكەن، بەڵام لەگەڵ ئەوەشدا گرنگی خۆیان هەیەو بۆیە پێمان وایە زیادبوونی ئاوی بەنداوەكان كاریگەری باشی لەسەر رەوشی كارەباو بەرهەمهێنانی دەبێت.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئێكسۆن مۆبیل؛ عیراق تەنگەتاو دەكات

سەرەتای ئەم هەفتەیە كۆمپانیای (ئێكسۆن مۆبیل)ی ئەمریكی هەموو ستافە بیانییەكانی ...