سەرەکی » دۆسێ » سیاسەتمەدارێك: كۆپی سێیەمی داعش بەڕێوەیە

چیرۆكەكە درێژەی هەیە

سیاسەتمەدارێك: كۆپی سێیەمی داعش بەڕێوەیە

سیاسەتمەدارێكی عیراقی پێیوایە، گەردەلولێكی گەورە لەڕێی پیلانێكی نێودەوڵەتییەوە كە سیما و شێوازەكانی لەئێستاوە دەركەوتووە ڕوو لە عیراق دەكات، دەستەواژەكانیش دەریدەخەن كە مەترسی داعش بە كۆپی سێیەمییەوە بەڕێوەیە.
كامیل دلێمی، سیاسەتمەداری عیراقی لە تویتێكیدا لەسەر تۆڕی كۆمەڵایەتی (تویتەر) لە سەرەتای مانگی ئاداری 2019 بڵاویكردۆتەوە ڕایگەیاندووە”گەردەلولێكی گەورە كە لەڕێی پیلانێكی نێودەوڵەتی لە ئێستاوە دەستەواژەكانی دەركەوتووە، ڕوو لە عیراق دەكات، ئەوە دەستەواژانەش ئاماژە بە هاتنەكایەی كۆپی سێیەمی داعش دەكەن”.
بەگوتەی ئەو سیاسەتمەدارە عیراقییە”دەستەواژەكان و ئەو زانیارییانەی لەسەر سنورەكانی عیراق-سوریاوە دەگەن، ئاماژە بە هاتنی كۆپی سێیەمی ڕێكخراوی داعش دەكەن كە ڕێگرتن لە هاتنی مەحاڵە”.
دلێمی دەڵێت”ئامادەكارییەكان چین لەلایەن سیاسەتمەدارانی عیراق بۆ ڕووبەڕبوونەوەی ئەو مەترسییە، لەكاتێكدا هێشتا ئاوارەكانی ساڵی 2014 نەگەڕاونەتەوە ناوچەكانیان، بەئاگابن لەبەرانبەر ئەو گەردەلول و زریانەی بەڕێگەوەیە كە پیلانێكی نێودەوڵەتییە و سیما و شێوازەكانی ئاشكران”.
هەر لەو چوارچێوەیەداسەرۆكی هاوپەیمانی وەتەنیەش هۆشداری دووبارەبوونەوەی دۆخی یەمەن و سوریا لە عیراق دەدات و دەڵێت: “جەنگی سارد دەستی پێكردووە”.
ئەیاد عەلاوی، سەرۆكی هاوپەیمانی وەتەنیە لە كۆڕبەندی یەكەمی ساڵانەی هەولێر ڕایگەیاندبوو» دۆخی نێودەوڵەتی وەكو پێشوو نەماوە لەكاتێكدا لەئێستادا دەستپێشخەری جەنگی سار دەستی پێكردووە، ئەوەی لە سوریا و یەمەن و لیبیا دروست بووە، ئەگەر هەیە بگوازرێتەوە بۆ ناوچەكە و بەتایبەتیش بۆ عیراق».
بە گوتەی عەللاوی» دۆخی ناوچەكە هانی لەدایكبوونی تیرۆر دەدات، نەك دژایەتی و لەناوبردنی، دوای ئەلقاعیدە و داعش نەوەی سێیەم و چوارەم دێن، چونكە داعش تا ئێستا لەناو نەچووە».
عەلاوی پێیوایە»پڕۆسەی سیاسی نوێنەرایەتی سەرجەم گەلی عیراق ناكات، چونكە عیراق بەدەست چەندان حاڵەتەوە دەناڵێنێت، یەكێك لەوانەش نەبوونی یەكێتی نیشتمانییە».
سەرۆكی هاوپەیمانی وەتەنیە، ڕ ەتیدەكاتەوە «حكومەتی عیراق توانیبێتی ڕووبەڕووی دەستوەردانی دەرەكی ببێتەوە لەگەڵ ئەوەشدا تەنگژەكانی عیراق لەلەسەر ئاستی نێودەوڵەتی و ئیقلیمی كەڵەكەدەبن».

ئەبوبەكر بەغدادی لە كوێیە؟
نوێنەری هەمیشەیی سوریا لە نەتەوە یەكگرتووەكان دەڵێت، تیرۆر چەكێكی بەردەوامە بەدەست كۆمەككارانی كە شێوازەكانی دەگۆڕن بۆ ئەوەی سەرلەنوێ‌ لە شوێن و جێگەیەكی تر بەكاریی بهێنن.
بەشار جەعفەری، نوێنەری هەمیشەیی سوریا لە نەتەوە یەكگرتووەكان لە دیمانەیەكی تەلەفیزیۆنی ڕایگەیاندبوو”ئەمریكاییەكان و توركەكان دەزانن ئەبو بەكر بەغدادی سەركردەی ڕێكخراوی داعش لەكوێیە”، ڕەتیشكردبۆوە پاشەكشەكردنی هێزەكانی ئەمریكا ڕاست بێت و ڕاگەیەندراوەكانیشی لەو بارەیەوە بە ریكلامی جیوەیی ئەمریكایی بۆ درێژكردنەوەی مەودای بەكارهێنانی تیرۆر، وەسفكردبوو.
بە گوتەی جەعفەری”ڕێكەوتنی ئەدەنە مایەی ڕێز بوو لەلایەن سوریا و توركیا، تا ئەو كاتەی ڕژێمی توركیا پێشێلی كرد”، ئاماژەی بە ڕێكەوتنی ئەدەنەش كرد كە بەپێی لێدوانەكەی ئەو، سوریا بۆی هەبوو بە رووبەری 5 كیلۆمەتر بۆ ڕاوەدونانی تیرۆریستان بچێتە ناو خاكی توركیاوە.
جەعفەری پێیوایە”توركیا ڕێكەوتننامەكەی پێشێل كرد، كاتێك سنورەكانی بەڕووی تیرۆرستاندا ئاواڵا كرد بۆ هاتنە سوریا”، سوریاشی بە نیشتمانی هەموو سورییەكان دانا و داواشی لە هەموو سورییەكانی دەرەوەی وڵاتەكە كرد بگەڕێنەوە نیشتمانەكەیان.
نوێنەری هەمیشەیی سوریا لە نەتەوە یەكگرتووەكان، دەڵێت”حكومەتی سوریا بە هەماهەنگی لەگەڵ نەتەوە یەكگرتووەكان، دوو ڕێڕەوی كردۆتەوە بۆ ئەوانەی دەیانەوێت لە ئۆردوگای رەكبان دەربچن».

داعشە بیانییەكان لە عیراق
ئەم لێدوانانەی بەشار جەعفەری لەكاتێكدایە كە تا دێت چەكدارانی ڕێكخراوی داعش لە سوریا بە گشتی و لە ناوچەكانی خۆرهەڵاتی وڵاتەكە دووچاری شكستی گەورە دەبن لەسەر دەستی هێزەكانی سوریای دیموكرات، ئەمەش وایكردووە زۆرێك لە كەسوكاریی ئەو چەكدارانە ڕوو لە عیراق بكەنە، لەو بارەیەوە ئەندامێكی كۆمیسیۆنی باڵای مافەكانی مرۆڤ لە عیراق ڕایگەیاندبوو، گرتوخانەكانی عیراق زیاتر لە هەزار و 500 ژنی بیانی لە ژنانی چەكدارانی ڕێكخراوی داعش لەخۆدەگرن كە هەندێكیان هەڵگری ڕەگەزنامەی فەرەنسایی و ئەڵمانیین.
عەلی بەیاتی ئەندامی كۆمسیۆنی باڵای مافەكانی مرۆڤ لە عیراق، لە لێدوانێكی ڕۆژنامەوانیدا ڕایگەیاندبوو”زیاتر لە 1500 ژن لە ژنە بیانییەكانی چەكدارانی ڕێكخراوی داعش كە سەر بە سێ‌ وڵاتن، لە گرتوخانە تایبەتەكانی عیراقدان لەگەڵ منداڵەكانیان”، ئاماژەی بە بوونی سێ‌ ژنی فەرەنساییش كردووە كە هاوسەری چەكدارانی ڕێكخراوی داعش بوون، لەگەڵ بوونی دوو منداڵی فەرەنسایی».
بە گوتەی بەیاتی”هەروەها لە گرتوخانەكاندا ژنێك و سێ‌ منداڵ هەن كە هەڵگری ڕەگەزنامەی ئەڵمانیین، سێ‌ منداڵی تریش سەر بە وڵاتانی ئەمریكای باشوورن”.
ئەو ئەندامەی كۆمیسیۆنی مافەكانی مرۆڤ، لە 6ی شوباتی ڕابردوو، ئامارێكی بڵاوكردبۆوە كە ژمارەی ژنان و منداڵە ڕوسەكانی لە گرتوخانەكانی وڵاتدا ئاشكراكردبوو، جەختیشی لەسەر بوونی نزیكەی 70 ژن و 124 منداڵی هاوڵاتیانی روسیا كردبۆوە لە گرتوخانەكانی عیراق كە بە تۆمەتی پەیوەندی بە گروپە چەكدارەكانی داعشەوە دەستگیركراون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

150 هەزار كەس لە باكووری خۆرئاوای سوریا ئاوارەبوون

بەر لە دەستپێكردنی هێرشە وشكانییەكانی سوپای سوریا و هاوپەیمانەكانی بۆ ...