سەرەکی » وتار » ئەردەڵان عەبدوڵڵا » پانۆرامای مەرگ

پانۆرامای مەرگ

کیمیابارانی هەڵەبجە یەکێک لە قۆناغە ترسناکەکانی حوکمی بەعس لە هەرێمی کوردستان، لەهەمانکاتیشدا گوزارشت لە دڵڕەقیی و نامرۆیی ئەو رژێمە دەکات بەرامبەر بە گەلی کورد. هەرچەندە رژێم پێش کیمیابارانکردنی شاری هەڵەبجە، لەچەندین شوێنی هەرێمی کوردستاندا ، لە ساڵانی هەشتای سەدەی پێشوودا، چەکی کیمیایی بەکارهێناوە، بەتایبەتی لەو گوندانەی کە هێزی پێشمەرگەی تێدا بووە.
لەم دۆسێیە تایبەتییەدا کە لەلایەن دکتۆر ناجح گوڵپییەوە ئامادەکراوە، پانۆرامایەکیی مێژووییە بۆ بەکارهێنانی چەکی کیمیایی لە گوند و ناوچەکانی هەرێمی کوردستان ، لەلایەن رژێمی داگیرکەری بەعسەوە. لەو پانۆرامایەدا، رۆژ و ساڵەکە دیاریکراوە، هەروەها ژمارەی شەهید و بریندارەکانیش دیاریکراوە، هەرچەندە وەکو نووسەریش دەڵێت، زۆرجار زەحمەت بووە، بە تەواوەتی ژمارەی بریندارو شەهیدەکان دیاری بکەیت.
ئەم هەوڵەی دکتۆر ناجح گوڵپی ، هەنگاوێکی باشە و بەرچاو روونییەکی باشـمان دەداتێ، لە بارەی چۆنێتیی و شوێن و کاتی بەکارهێنانی چەکی کیمیایی لە هەرێمی کوردستان لە لایەن رژێمی بەعسەوە، بەو هیوایەی لە داهاتوودا هەوڵی زیاتر بدرێت، بۆ تۆمارکردنی ئەو تاوانە گەورانەی ڕژێمی بەعس، کە بەرامبەر بە گەلەکەمانی کردووە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

با لایەنە ناشیرینەکەی بەفریش ببینین

بێ بەرگییە عیللەت کە هەتیو مەیلی هەتاوە – نالی – ...