سەرەکی » وتار » د.شیركۆ عبدالله‌‌ » رابوردوو جوانترە

رابوردوو جوانترە

خۆشترین خەبەر ئەوەیە پێت بڵێن دانیشە چا حازرە، حازر ئامۆزایەكی هەیە پێی ئێژن بزر، بزر مافی كوردە لە تەئریخدا، تەئریخ دایم و دەرهەم ئەو كەسە ئەینووسێتەوە كە براوە بێت، براوە عەكسی دۆڕاوە، دۆڕاو ئەگەر نەڵێ‌ بە گونمەوە شەق ئەبات، شەق ئەزانێ‌ قۆناغ لە كوێیە، قۆناغ شتێكە مێژووش هەیەتی و تفەنگیش، تفەنگ چەكێكە دەینێین بە تاریكییەوە، تاریكی ئەو شتەیە دزی كوردی تیا كەشف ئەكرێ‌، كەشفكردن یەعنی دۆزینەوەی رازی موهیم، موهیم ئەوەیە كای كۆن بە (با) نەكەین، با مەشهورترین بەرهەمی سلێمانییە، سلێمانی لە زۆر مەسەلەدا سفرە بەتایبەتی وەبەرهێنان و ئەمانە، ئەمانە جاران بە پاصیان ئەگو، پاص لە فتبۆڵێنیشدا هەیە، فتبۆڵێن تلیاكی ئەم زەمانەیە، زەمانە بەوە ناسراوە كە حولحولییە، حولحولی لەسەر وەزنی بل بلییە، بلی بلی كەس نازانێ‌ یەعنی چی، چی ئامرازی پرسیارە، پرسیار سڕی پێشكەوتنە، پێشكەوتن عیبارەتە لە جێهێشتنی رابوردوو، رابوردوو بەعزە جاری جوانترە لە ئێستا، مەسەلەن ئێستای یەكێتی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

هەمیشە

– گۆڕان هەمیشە لە بەینی كۆمەڵ و یەكێتیدا، پارتی هەڵدەبژێرێ‌. ...