سەرەکی » وتار » ئاش لە خەیاڵێ و ئاشەوان لە خەیاڵێ‌!

ئاش لە خەیاڵێ و ئاشەوان لە خەیاڵێ‌!

عەبدوڵڵا عەباس
( 1 )
كە بە هەستی ئینسانیەوە بەدوای شەپۆلی چڕی هەواڵ و زانیارە رۆژانەكاندا ئەچیت ‘ بۆتناكرێ‌ هەست بەوە نەكەی كە ئێستای قۆناغی ژیانی زۆرینەی خەڵك لەو بارەئاسایی و ئارامەدا نییە ‘ ئەو شەپۆلە چڕەی سەرچاوەكانی راگەیاندن و زانیاری بەو شێوە رەنگاو رەنگ و كاریگەرییە بڵاوی ئەكەنەوە .! چونكە ئەوانەی وا دێنە بەرچاو بەرپرسیاری راگەیاندنی هەوڵی زامنی پاشەرۆژی بە ئارامی جیهانین بەئاڕاستەی هیوای رووناكەوە ‘ دوو جۆرن ‘ جۆرێكیان راست ئەكەن لە خەونی زامنی ئارام و گەشەكردن لە سوودی زۆربەی بەشەریەت ‘ كە ئەوانەن ئەكرێ‌ بخرێنە خانەی زانا و دانا ئینسانیەكان ‘ جۆرەكەی دیان ئەوانەن حوكمیان لەرێی هێزەوە بە دەستەوەیە و بەناونیشانی : ( دیموكراتی و سەربەستی گەلان و كۆمەڵانی مەدەنی هەركۆمەڵێك و رێكخراوە نێودەوڵەتیەكانی : نەتەوە یەكگرتووەكان و ئەنجومەنە ئاسایشەكەی كە ساڵانە ‘ نیسبەتی كۆبوونەوەكانی بۆ تاوتوێكردنی سەرەنجامی بارودۆخی ناوچە گڕگرتووەكان ئەگاتە %85 و باقی كۆبوونەوەكانی كە كەمترە لە نیسبەتی 15 % تاوتوێی بێ‌ سەمەری زامنكردنی گوزەرانی خاوێن وئارامە بۆ بەشەریەت ) و خاوەنی بڕیاری ئەوڵ و ئەخیر لەو ئەنجوومەنە بەدەست پێنج ئەندامەوەیە لە كۆیی 15 ئەندام و هەر ئەو پێنج ئەندامە حوكم بە دەستی بڕیاری چارەنووسی دونیان و كەس ناتوانێ‌ ئینكاری ئەوە بكات كە ناكۆكی و بەربەرەكانی سوودی خۆیی ئەوانە بەرپرسیاری ئەساسیی ئەو شەڕو ئاڵۆزە هەڵگیرساوانەن هەڕەشە لە پاشەرۆژی بەئارامی مرۆڤایەتی ئەكەن .
ئەو پێنج بە دەستەڵاتە بە پێی ئەو ناونیشانانەی لە بەڵگەنامە نێودەوڵەتیەكاندا چەسپێنراون ‘ هەموویان بەیەك ئاڕاستە كار بۆ ئەمن و ئاسایشی پێویست لە جیهاندا ناكەن و لای هەر یەكێكیان یان جاری واهەیە دووان یان زیاتر ‘ هاوسوێندیی سوودی تایبەت بەخۆیان هەیە لەگەڵ سوودی ئەندامەكانی دی گونجاو نابێ‌ ئەگەر ناكۆكی قوڵنەبێ‌ كە هانیان ئەدا بەرپرسیاری راستەخۆی ئەو شەڕە وێرانكارانەبن بە نیابەتی ئەوان ناراستەخۆ بۆ پاراستنی سوودی ئەوان هەڵئەگیرسێن.
بۆیە ‘ خوێندنەوەی بەری رەنج و بڕیارەكانی ئەو رێكخراوە نێودەوڵەتی یە لەدامەزراندنیەوە ( تا ئێستاش) دەری ئەخات : هەرئاگرێكی شەڕو وێرانكاری و زەوتی مافی بەشەریەتی لەرووی زەمین لە رووی ( مادی و ئینسانی و رۆحی یەوە ) تووشی وێرانكاری كردوە ‘ یەكێك یان دووان لەو زلهێزانەی لەپشتەوە بووە بەمەبەستی خۆسەپاندن و پاراستنی دەستەلاتی تایبەت بە پێداویستەكان و درێژەدان بە خۆسەپاندن ‘ بۆ نموونە : ئەو زلهێزانە توانیان دەلاقە بخەنە ریزی ئەو راپەڕاپەڕینانەی لە رۆژهەڵاتی ناوەڕاست روویاندا و توانیان ئاڕاستەكانیان بگۆڕن بە شەڕی تایفەگەری و رەگەزی و ناوچەیی بە نیازی دووبارە كەرتكردنی رۆژهەڵاتی ناوەراست بە جۆرێ‌ كە پێكەوە گونجانیان لە مەسەلە مەحاڵەكان بێ‌ و خەڵكی ناچاربكەن بەوەی مل كەچی خۆسەپاندنی ئەوانبن .
پیاچوونەوەی ژمارەی وێرانكردنی ئەرز و كوشتنی ئینسان لە ئەنجامی ئاژاوە چەكدارییەكانی ناوچەكانی ئەمەریكای لاتین كە بە ململانێی سیاسی و هەتا شەڕی بازرگانی مافیاكانی تلیاك ناسراوە و ململانێ‌ سیاسی یەكانی رۆژهەڵاتی ناوەڕاست و كیشوەری ئەفەریقای گیرەوەی دیاردەی برسییەتی موزمن هەتا ئەگاتە خوارووی رۆژهەڵاتی ئاسیا، ئینسانی هوشیار ئەخاتە بەردەم هەڵوێستێ‌ گاڵتەی بێت بە ئیدعای ئەو زلهێزانەی كە یاریدەو پشتیوانی ئەو دەزگا ناوگەورە زانستیانە ئەدەن كە گوایە ئامانجیان زامنكردنی گوزەرانی گەشە بۆ بەشەریەت و گوایە ئەركی بەستنی ئەو جۆرە گۆنگرانە لە ئەستۆ ئەگرن پێداویستەكانی پێشكەوتن و ئاوەدانی پاشەرۆژی گەلانی دنیان ‘ ئەم گاڵتەجارییە لەو ژمارانەوە یەت كە راپۆرتەكانی شەڕە هەمەلایەنەكان رایئەگەیەنن كە كوژراو تیایاندا ‘ تەنیا لە ساڵی 2018 دا بەمجۆرە بووە : شەڕە گەورەكان 000‘ 10 كوژراو ‘‘ شەڕەكانی ئەنجامی ناكۆكی دوولایەن 000 ‘ 1 و 999 ‘ 9 و شەڕە بچوكەكان 10000 بێجگە لەو ژمارانەی هەر لەو ناوچانە بە ئاسایی مردوون یان لەبرسا ..
( 2 )
لەمانگی شوباتی ئەمساڵدا لە ( دوبەی ) گۆنگرەی جیهانی حكومەتە بەدەستەڵاتەكانی جیهان بەسترا بەئامانجی بیروراگۆڕینەوە لەبەینی سەرۆكانی ئەو حكومەتانە دوور لە سیاسەت و رەسمیات ( سەرنج بدەن / دوور لە رەسمیات ) ‘ ئەو زانیاریانەی لەسەر ئەو كۆنگرەیە بڵاو بووەوە وا دەرئەخات ( ئەو ئەمن و ئارامەی سەرتاپای بازنەی ئەرزی گرتۆتەوە هانی بەستنی ئەمجۆرە كۆنگرەیەی داوە ..!!) و بۆیە لەسەریانە روو لە خۆئامادەكردن بۆ پاشەرۆژی گەشتر بۆ بەشەریەت ئامادە بكەن و لە رووی زانستیەوە بۆ نهێنیەكانی كەون بگەڕێن ‘ ئەم وەسفەی ئەو كۆنگرەیە وادەرئەخات كە ئەو وێرانكاریانەی لەو ناوچانەی دنیا ئیشارەتمان پێدا وەهمەو دنیا لەنیعمەتایە ..!! بۆیە كۆنگرە خەریكی شیكردنەووی ئەوەبوو : دەماغی ئینسان ساڵی 2100 چۆن ئەبێ‌ و چۆن ئینسان وا گەشەبكات بۆ عیلاجی نەخۆشی پێویستی بە پزیشك نەبێ‌ و خۆی چاری خۆی بكات …ئەمە ‘ بە بەراوردی ژمارەی مردن بە شیرپەنجە لە ( شارۆچكەیەكی بچوكی هەرێمەكەی خۆمان ) لەگەڵ خەیاڵ پڵاوی ئەوانە ‘ ئەبێ‌ بڵێی : ئاش لە خەیاڵێ‌ و ئاشەوان لە خەیاڵی ,,
• خولاصەی كەلام
لەرابووردودا ‘ دەرگای جەهلیان بۆ فراوان ئەكردین و دەرگای نوور تەنگ ‘ ئێستا هانمان ئەدەن بە ئیدعای راگەیاندنی رەنگاو رەنگ بخەڵەتێین و مێشكمان سڕ بێ‌ …هەردووحاڵ … یەك نەتیجە

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شكاتیان لێبكه‌ن !

مه‌ریوان مه‌سعود شكاتیان لێبكه‌ن ! له‌م رۆژانه‌، له‌ پڕ هه‌ردوو ...