سەرەکی » وتار » مستەفا محەمەد » چیتر کۆنگرە دوامەخەن

چیتر کۆنگرە دوامەخەن

بۆ یەکێتی قۆناغێکی گرنگی ڕاگوزەریی سیاسیە و بە سەرنجدانیش لە پێشهاتە سیاسیەکانی کوردستان و ناوچەکە لەم دوو ساڵەی پێشوو بۆت دەردەکەوێ کە ئێستا له هەر کاتێکی تر گونجاوترە بۆ یەکێتی کۆنگرەی نۆژەنکردنەوەی هەیکەل و نەخشەڕێی خۆی بخاتە ڕێ ،کە دەڵێین دۆخی لەبار بەو مانایەی کە تامەزرۆیی قاعیدەی جەماوەریی یەکێتی بۆ گرێدانی و زەڕوڕیەتی هێنانە پێشی سەرکردەی گەنج و خوێنی تازە و هاتنە ئارای تەباییەکی ئومێدبەخشانە لەناو سەرکردایەتیەکەیدا لەم وێستگەی تەمەنی یەکێتیدا لەترۆپکدایە.
كۆنگرەی‌ یەكێتی‌ وەک پڕۆسیسی نوێخوازی و سپاردنی بەرپرسیارێتی بە نەزمی دیموکراتیانە تەنها بۆ هەوادارو لایەنگرانی یەكێتی گرنگ نییە،، بەڵکو بۆ هەموو كوردستان گرنگییەكی زۆری هەیە، چونكە ئەو حزبە بەشدارێكی سەرەكییە لەحوكمڕانیی لەهەرێمی كوردستاندا، هەروەها بەشدارێكی كاراشە لەعیراقدا و بگرە گرنگتر لەوەش لەناو حزبە كوردستانییەكاندا حزورێکی بەهێزی لە ناوچە دابڕاوەکاندا هەیە و زۆرترین جەماوەری ئەو ناوچانەی بۆ ساغ بۆتەوە.
گۆڕانکاریەکانی ئەم دواییەی ناو حزب و گەڕانەوەی حەشاماتی کادری تۆراو لێی و دۆزینەوەی هەلی چونیەکی ئەرک و بەرپرسیارێتی لەناو ئۆرگان و پاراستنی ماف و دیاریکردنی پەیڕە و پڕۆگرام و شێوازی مامەڵەی تەندروست لەگەڵ ئەم وێستگە گرنگەی خەباتی دیموکراسی، بەستنی کۆنگرەیان کردۆتە پێویستیەکی حەتمی و نەبەستنیشی ئۆباڵێکیشە لە گەردنی سەرکردایەتی ئێستا کە بەهیچ شێوەیەک تەئجیل و تەئخیری زیاتر هەڵناگرێ .
پارساڵ ئەم کاتە گەرم و گوڕی زۆر هەبوو لەبارەی ئەنجامدانی کۆنگرە ، بەداخەوە لەگەڵ ئەوەی هەرچی ڕێگری هەیە بۆ نەبەستنی لە ئێستادا بەدی ناکرێ ، کەچی کەمترین قسە لەبارەی ئەنجامدانیەوە دەکرێ ، لەکاتێکدا یەکێک لە بەڵێنەکانی نماییندەکانی یەکێتی لە دوایین هەڵبژاردنەکاندا بریتی بوو لە نوێکردنەوەی هەیکەلی یەکێتی و تۆخکردنەوەی سەوزێتی ئەم حزبەبوو لە ڕێگەی زەمینەسازی بۆ بەستنی کۆنگرە، بۆیە دەکرێ بەنەشئەی «خۆتان ئامادەکەن بۆ کۆنگرێسی نوێ « جارێکی تر ڕۆحی سەرۆک « مام « شاد بکرێ و یەکێتی هەر بەهێزە کاریگەرە نمرە یەکەکەی هەڵگرتنی ئەرک و بەرپرسیارێتی لە گۆڕەپانەکەدا بمێنێتەوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەوەی پێویستە كاندیدی ״راسپێردراو״ بیكات!

مستەفا محەمەد هەنگاوەكانی پێكهێنانی كابینەی نۆ دەستیپێكردووەو «بارزانی كوڕ» وەك ...