سەرەکی » دۆسێ » ئەمریكا رەخنە لە رەوشی مافی مرۆڤ دەگرێت لە میسر

قاهیرە دان بە بەڵگەنامەكاندا نانێت

ئەمریكا رەخنە لە رەوشی مافی مرۆڤ دەگرێت لە میسر

راپۆرتی ساڵانەی وەزارەتی دەرەوەی ئەمریكا لەبارەی رەوشی مافی مرۆڤ لە جیهان لە ساڵی 2018، باس لە پێشێلكاریی مافەكانی مرۆڤ دەكات لە میسر كە خۆی لە «كوشتن لە دەرەوەی چوارچێوەی یاسا»، و « بێسەروشوێنكردنی زۆرەملێ‌» و «ئەشكەنجەدان»دا دەبینێتەوە، وەزارەتی دەرەوەی میسریش لە بەیاننامەیەكیدا لەو بارەیەوە،رتیكردبۆوە دان بە بەڵگەنامەكانی ئەو جۆرە راپۆرتانەدا بنێت.
وەزارەتی دەرەوەی ئەمریكا دەڵێت، چەندان راپۆرت ئاماژە بە ئەنجامدانی كاریی «كوشتنی نایاسایی» دەكەن لەلایەن حكومەتی میسر و دەزگاكانی، بە چەند حاڵەتێكیش كە لەكاتی دەستگیركردنی هەندێك كەس، یان لەكاتی بوونی ئەوانی تر لە گرتوخانەكان، یان لە میانی پێكداهەڵپژانەكان لەگەڵ مەدەنییەكاندا، رویانداوە.
هەروەها هەندێك راپۆرت هەن باس لە كوشتنی مەدەنییەكان دەكەن لەكاتی ئۆپەراسیۆنە سەربازییەكان لە سینا، ئەنجامدەرانیشی وەك راپۆرتەكەی ئەمریكا باسی دەكات لە سزا قوتارییان بووە.

بێسەروشوێنكردنی زۆرملێ‌
راپۆرتی وەزارەتی دەرەوەی ئەمریكا ئاماژە بە بوونی حاڵەتەكانی بێسەوشوێنكردنی زۆرملێ‌ دەكات لە میسر، وێڕای حاڵەتەكانی ئەشكەنجەدان، ڕەشبیگریی، و رەوشی خراپی نێو زیندانەكان، دەستگیركردن بە هۆكاریی سیاسی، و پێشێلكردنی نایاسایی تایبەتمەندی، و سەپاندنی كۆتوپێوەندی بەسەر ئازادی ڕادەربڕین، و ڕۆژنامەگەری، و ئینتەرنێت.
راپۆرتەكەی ئەمریكا ئاماژەی بە بوونی «پێشێلكاریی ئاشكرای مافەكانی گردبوونەوەی ئاشتیانە»، و كۆتوپێوەندی سەپێنراو بەسەر دامەزراندنی گردبوونەوەی ئەهلی، و تۆماركردنی ڕێكخراوە ناحكومییەكان كردووە.
هەروەها باسی لەو لێكۆڵینەوانەش كردووە كە لەگەڵ كەسە هاوڕەگەزبازەكان كراوە، لەگەڵ كارپێكردنی بەزۆری منداڵان.
راپۆرتەكە باس لەو لێكۆڵینەوانەش دەكات كە حكومەتی میسر لەگەڵ ئەو بەرپرسانەدا ئەنجامیداوە كە دەستییان لە هەندێك لەو پێشێلكارییانەدا هەبووە. بەڵام بەپێی ڕاپۆرتەكە، لە زۆری حاڵەتەكاندا، حكومەتی میسری بەشێوەیەكی هەمەلایەنە لێكۆڵینەوەی لەو پێشێلكاریانەدا نەكردووە كە لە بواری مافەكانی مرۆڤدا كراون، بە زۆربەی ئەو رووداوە توندوتیژیانەی لەلایەن هێزە ئەمنییەكانەوە ئەنجامدراون، ئەمەش بواری زیاتر بۆ «دەربازبوون لە سزا»دەڕەخسێنێت.
سەبارەت بەو پەلامارە تیرۆریستیانەش كە لە میسر رویاندا، راپۆرتەكە دەڵێت، ئەو پەلامارانە بونەتە مایەی بێبەشكردنی هەندێك لە مافی ژیان. ڕێكخراوی تیرۆریستییەكان پەلاماری كوشندەیان بۆسەر ئامانجە حكومییەكان، و مەدەنییەكان، و هێزە ئەمنییەكان لە ناوچە جیاجیاكانی وڵات ئەنجامداوە، بە پەرستگاكانیشەوە. راپۆرتەكە ئاماژەی بە لێكۆڵینەوە لەو پەلامارە تیرۆریستیانە و لێپێچینەوەی لەگەڵ تۆمەتباران كردووە.

لاوازی بەشداریی سیاسی
ئەوەی پەیوەندی بە ژیانی سیاسییەوە هەیە، راپۆرتەكە ئاماژەی بە پاشەكشەكردنی زۆربەی ركابەرانی عەبدولفەتاح سیسی سەرۆكی ئێستا كردووە لە هەڵبژاردنەكانی سەرۆكایەتی كە لە ساڵی 2018 ئەنجامدران، ئەوانەش هۆكاریی پاشەكشەكردنیان بۆ گوشاری سیاسی و كێشەی یاسایی و نەبوونی كێبڕكێی دادپەروەرانە گەڕاندۆتەوە، لە هەندێك حاڵەتیشدا كاندیدەكان ڕووبەڕووی دەستگیركردن بونەتەوە، بە بیانووی قەدەغەكردنی خۆكاندیدكردنی كەسێتییە سەربازییەكان، ئەمەش وەك ئاماژەكردنێك بۆ فەریق سامی عەنان.
راپۆرتەكە ئاماژەی بە لاوازی بەشداریی سیاسی لە پرۆسەی سیاسیدا كردووە بەهۆی «كۆتوپێوەندە حكومییەكان»لەسەر دامەزراندنی گردبوونەوەكان، و گردبوونەوەی ئاشتیانە، و ئازادی ڕادەربڕین.

«میسر دان بە بەڵگەكانی نێو راپۆرتەكەدا نانێت»
وەزارەتی دەرەوەی میسر لە وەڵامی راپۆرتە ئەمریكاییەكە و لە بەیاننامەیەكیدا رایگەیاندووە»میسر دان بە بەڵگەنامەكانی نێو ئەو جۆرە راپۆرتانەدا نانێت».
لەو بارەیەوە ئەحمەد حافز، وتەبێژی وەزارەتی دەرەوەی میسر دەڵێت»ئەو راپۆرتە و راپۆرتە هاوشێوەكانی، پشت بە زانیاریی و راپۆرتی بێ‌ بەڵگە دەبەستن كە لەلایەن ئەو لایەن و رێكخراوە ناحكومیانەوە ئامادەی دەكرێن كە هەڵوێستە سیاسییەكان دەیانجوڵێنن».
لە هەمان كاتدا، حافز، جەختی لەسەر»گرنگی ڕێزگرتن لە پرەنسیپی دەستوەرنەدان لە كاروباری ناوخۆی وڵاتانی تر» كردبۆوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەمریكا كارمەندە ناسەرەكییەكانی لە عیراق پاشەكشە پێدەكات

ئەمریكا داوا لە كارمەندە ناسەرەكییەكانی دەكات لە عیراق، وڵاتەكە بەجێبهێڵن، ...