سەرەکی » وتار » رەهبەر سەید برایم » نەچی پارەی پێ‌ نەماوە

خەندەی خەبات

نەچی پارەی پێ‌ نەماوە

هەرچەند سەری ساڵ و بۆنەو جەژن لەكن پێشمەرگە وەك ڕۆژی دیكە ئاسایی بوون، بەڵام لەسەری ساڵی 1986 لەسەرگەڵوو بارەگای مەڵبەندی دووی لێبوو، لەژووری جیهاز لەكن كاروانی جیهازو حاجی ڕزگارە قەڵەوو عەتای حاجی عەلی و بەرزانە ڕەش و شێخ عومەری ئیدارەو ئەنوەری حەلاو، هەندێك قاپە ئارەق پەیدا دەكەن بۆ خواردنەوە، مولازم عومەر لێپرسراوی مەكتەبی عەسكەری بوو لەماڵی قادری حاجی عەلی بوو، پێی ڕاگەیاندبوون شەڕو گێچەڵ نەكەن و ئاژاوە نەنێنەوە، پۆرت نەشكێنن، ئەنوەری حەلاو بەسەرخۆشی پۆرت دەشكێنێ‌ و دەیكاتە شەڕ، مولازم عومەر دەزانێتەوە، لێی تووڕە دەبێت و دوو زللەی پێدا دەكێشێ‌، دەڵێ بڕۆ، تۆزێك دەڕوا، مولازم عومەر بەزەیی پێدا دێتەوە دوو بیست و پێنجی دەداتێ‌، دیسان لێی تووڕە دەبێتەوە، ئەنوەری حەلاو دەڵێ ناكرێ‌ دوو شەقم تێ‌ هەڵبدەی، دوو بیست و پێنجی دیكەم بدەیتێ‌، مولازم عومەر دەڵێ‌ پارەم پێ‌ نەماوە هەر ئەوەندە بوو! پێشمەرگەكان دەزانن، یەك لەپێشمەرگەكان دەیەوێ‌ فیتنەیەك دروست بكات، بەڵكو پارە وەربگرێ‌ وەك ئەنوەری حەلاو، بەڵام ئەنوەری حەلاو پێیدەڵێ‌ سەهووی، مولازم عومەر پارەی پێ‌ نەماوە، دەنا بۆ خۆم دەچووم و دووشەقی تێ‌ هەڵبدابام و دوو بیست و پێنجی ترم لێ‌ وەرگرتبا!.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

گامێش نەیكردووە، مێش كردوویەتی!

(م. ج. ئا) بارەگای لە گوندی (مالوومە) بوو، ئەو سەردەمە ...