سەرەکی » راپۆرت » ئامادەکردنی:بورهان ئەمین » ژمارەیەک کورد هەوڵی بەدەستهێنانی کورسی دەدەن

هەڵبژاردنی پەرلەمانی فنلەندا

ژمارەیەک کورد هەوڵی بەدەستهێنانی کورسی دەدەن

سیستەمی سیاسی لە فنلەندا دیموکراسی پەرلەمانییەو ئەندامانی پەرلەمان هەر چوار ساڵ جارێک بە هەڵبژاردنێکی دیموکراسییانە دەستنهیشان دەکرێن. کۆی ژمارەی کورسییەکانی 200 کورسین. ئەمساڵ لە 14ی ئەم مانگەدا لە کەشێکی ئازادو دیموکراسیدا پڕۆسەکە بەڕێوەدەچێ، لەخولی ئێستادا 11 پارت‌و رێکخراوی سیاسی لە پەرلەمان کورسییان هەیەو لەوەی ئەمساڵیشدا زیاتر لەو ژمارەیە لە رکابەری یەکتردان، ئیستا هیچ کام لەو پارتانە زۆرینەی پەرلەمانییان نییە، بەڵکو هەریەکەیان رێژەیەکی دیاریکراویان هەیەو بەیەکەوە حکومەتێکی ئیئتیلافییان پێکهێناوە، هەر پەرلەمانتارێک نزیکەی نوێنەرایەتی 26 هەزار کەس دەکات، دەنگدانی پێشوەختە لە 3 تا 9 ی نیسان درێژەی دەبێ‌و کارمەندانی حکومی تیایدا دەنگ دەدەن.

بەرنامەی هەڵبژاردن
بانگەشەی هەڵبژاردنی پارتەکان لەسەر مافە دیموکراسییەکان‌و یەکسانی‌و دادپەروەی‌و نەهێشتنی جیاخوازی رەچەڵەک‌و رەگەزو مافی کرێکاران‌و زەحمەتکێشان‌و پێشخستنی بواری پەروەردەو فێرکردن‌و پاراستنی ژینگەیەکی خاوێن بۆ هەمووان‌و پەرەپێدانی بواری خزمەتگوزاری تەندروستی‌و کۆمەڵایەتی‌و فەراهەمکردنی خۆشگوزەرانی بۆ هەمووان‌و چەند پرسێکی تری ناوخۆو دەرەوە، کە لە کۆمەڵگەی فنلەندیدا بایەخی تایبەتیان هەیە، لە نێو 2468 هەزار کاندید، ژمارەیەک کوردی پارچەکانی کوردستانیش کە ساڵانێکە لەو وڵاتە دەژین‌و تێکەڵاوی کۆمەڵگەی ئەو وڵاتە بوون‌و لەڕەوشی سیاسی شارەزان‌و عەیامێکە وەک چالاکوان دەرکەوتوون، خۆیان کاندیدکردووە تا کورسی پەرلەمانی بەدەستبهێنن‌و بتوانن رۆڵێکی کاراتر لە بواری سیاسیدا ببینن.

کاندیدە کوردەکان
سەعید مورادی، تەمەنی 34 ساڵە لە شاری مەهابادی رۆژهەڵاتی کوردستان لەدایکبووەو ماوەی 18 ساڵە لە فنلەندا دەژی، کاندیدی ژمارە 339ی پارتی یەکێتیی چەپ Vasemmistoliitto ە، دەرچووی کۆلێژی زانستی فڕۆکەوانی‌و بیرکارییە، پیشەی مامۆستایەو لەو ماوەیەی لەو وڵاتەدا دەژی، شارەزای بواری سیاسی بووەو لە رێکخراوەکانی کۆمەڵی مەدەنیدا رۆڵی کاراو بەرچاوی هەبووە.
ئەو کاندیدە دەخوازێت رەوەندی کوردی لە فنلەندا پشتیوانی بکەن‌و ببێتە ئەندام پەرلەمان تا دوو ئامانج بپێکێت، یەکەمیان رۆڵی کاراکتەرێکی چالاک ببینێت لەناو کۆمەڵگەو کار بۆ بەدیهێنانی بەرنامەی چەپەکان بکات.دووەمیشیان لەو رێیەوە پەرە بەپرسی کورد بدات‌و کێشەکەی بباتە ناو نێوەندە گەورەو کاریگەرەکان‌و لەڕێی ئەو نوێنەرایەتییەوە خەم لە ئاریشەکانی رەوەندی کوردی بخواو هەوڵی چارەکردنیان بدات.
هەر لە هەرێمی Uusimaa و شاری ئێسپۆ. خانمە کوردێکی تری رۆژهەڵات بە ناوی ڤیرۆنیکا کەلهوڕی، تەمەنی 34 ساڵەو بەژمارە 302 لەسەر لیستی پارتی سۆیال دیموکرات لەم هەڵبژاردنە پەرلەمانییەدا کە 14ی نیسان بەڕێوەدەچێت، خۆی کاندیدکردووە. ئەو دووانە لەنێو رەوەندی کوردیدا ناوێکی دیارن‌و بەختیان باشە لە بەدەستهێنانی کورسی پەرلەماندا.

خزمەتکردنی کۆمەڵگە
خاتوو کەلهوڕی بۆ رۆژنامەی کوردستانی نوێ وتی: من لە خێزانێکی سیاسی هاتوومەتە دونیاوە، هەر بەو هۆیەشەوە پەراگەندەی کوردستانی عیراق بووین‌و بەناچاری رێگەی هاتونەهاتی ئاوارەیی‌و دەربەدەریمان گرتەبەر، تەمەنم 14 ساڵان بوو کە گەیشتینە فنلەنداو لەوێ توانیمان خۆمان بنیاتبنێینەوە. خوێندنی پزیشکیم تەواوکردو گەیشتمە ئاستی بەدەستهێنانی بڕوانامەی دکتۆرو لەپاڵیشیدا لەبواری سیاسی‌و لەڕێی کۆمەڵی مەدەنی خەباتمکردووە بۆ خزمەتی مرۆڤایەتی‌و بەردەوامیشم.ئەو خاتوونە دەربارەی فنلەندا دەڵێ: ئەو وڵاتە وڵاتێکی کراوەو خۆشگوزەرانە، لەسەر ئاستی ئەوروپا بایەخی تەواوی هەیەو دەبێ بنەماکانی ئەو یەکێتییە پتەوترو سەنگینتر بکەین، بۆیەش خۆم کاندیدکردووە تا بتوانم جێپەنجەم دیار بێت لە خزمەتکردنی کۆمەڵگەو بوارێکی فراوانترم لەبەردەمدا بکرێتەوە بۆ تەواوکردنی نەخشەڕێگەی بەرنامەی خۆم‌و پارتەکەم، کە لە خزمەتی مرۆڤایەتیدایە.

دەنگ بەو دوو کاندیدە بدەن
ئەحمەد خۆشناو کارگێڕی کۆمیتەی رێکخستنی فنلەندا لە رێی کوردستانی نوێوە، داوا لە رەوەندی کوردی دانیشتووی ئەو وڵاتە دەکات کە دەنگ بدەن بە هەردوو کاندیدی کورد» سەعید مورادی» لەسەر یەکێتیی چەپ‌و خاتوو ڤیرۆنیکا کەلهوڕی» لەسەر لیستی پارتی سۆیال دیموکرات، چونکە دڵنیایە کە ئەو دوو کەسایەتییە دەبنە نوێنەری کورد لە پەرلەمان‌و دەتوانن کاریگەریی ئەرێنی بخەنە سەر ناوەندی بڕیار، تاوەکو لە بەرژەوەندی کورد هەڵویستەکانیان نیشان بدەن، داواشی لە کوردانی ئەو وڵاتە کرد کە ئەرکی سەرشانی خۆیان جێبەجێ بکەن‌و دەنگ بدەن بەکاندیدانی ژمارە 339 و 302.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

سێ كورد كاندیدن بۆ په‌رله‌مانی ئه‌وروپا

وەک بڕیارە لە ٢٦ ی ئەم مانگەدا هەڵبژاردنی پەرلەمانی ئەوروپا ...