سەرەکی » مانشێت » ئەمڕۆ 22 هەمین فێستیڤاڵی گەلاوێژ دەستپێدەكات

ئەمڕۆ 22 هەمین فێستیڤاڵی گەلاوێژ دەستپێدەكات

ئەمڕۆ 18/4/2019 بۆ 20ی ئەم مانگە، بە دروشمی (ڕەخنەی ئازاد دەستەبەری كرانەوەیە) 22هەمین فێستیڤاڵی گەلاوێژ لەشاری سلێمانی دەستپێدەكات، كە چەندین چالاكی ئەدەبی و رۆشنبیریی پێشكەش دەكرێن.
نەوزاد ئەسوەد سەرۆكی بنكەی رووناكبیری گەلاوێژ، لەئەكاونتی خۆی لەتۆڕی كۆمەڵایەتی فەیسبووك نووسیویەتی: لەفێستیڤاڵەكەدا چەندین كۆنفرانس ئەنجام دەدرێن و ژمارەیەك لێكۆڵینەوەش پێشكەش دەكرێن، هاوكات تەوەری سەرەكی فێستیڤاڵەكەش بریتییە لە (نووسینی ژیاننامە لەنێوان ئەدەب و مێژوودا)، ئەمە جگە لەوەی پێشانگایەكی كتێب دەكرێتەوەو فلمێكی دۆكیۆمێنتاریش نمایش دەكرێت و خەڵاتی و رێزلێنانیش پێشكەشی داهێنەران دەكرێت.
ئەوەشی بڵاوكردۆتەوە، لەچوارچێوەی فێستیڤاڵەكەدا پێشبڕكێی ئەدەبی لەبواری شیعرو چیرۆك و لێكۆڵینەوە بە زمانی كوردی دەخرێنەڕوو.
هاوكات لەڕۆژی دووەمدا، چوار پانێڵ لەبارەی تەوەری سەرەكی فێستیڤاڵ پێشكەشدەكرێت كە ژمارەیەك لە رەخنەگرانی كورد و عەرەب و ئێرانی تێیدا بەشدارن.
بنكەی رووناكبیری گەلاوێژ كە بنكەیەكی ئەدەبی و رۆشنبیریی سەربەخۆیە، لەساڵی 1996 لەشاری سلێمانی دامەزراوەو چەندین لقی لە شارەكانی دیكەشدا هەیە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

یادی شەهیدانی باڵەكایەتی کرایەوە

حاكم قادر: هەمووان قەرزاری ناوچەی گەڵاڵە و باڵەكایەتین قوباد تاڵەبانی: ...