سەرەکی » وتار » لە ساڵیادی مەرگی ناوادەی كارزان و هاوڕێكانی دا

لە ساڵیادی مەرگی ناوادەی كارزان و هاوڕێكانی دا

كارزان گیان هەمیشە غەریبیتان دەكەین

ئەوە چەندین ساڵەو تەواو لەدوای 17/4/1978ەوە (تیپی میوزیكی مناڵان) لەوەتەی گیانی فریشتەیی ئێوەی لێتەریوەو لەشەقەی باڵتان داوەو لەئاسمانی پاكیزەیی دلۆڤاندا ئۆقرەتان گرتووەو ترپەی دڵی میوزیكتان نایە! ئەوە جارێكی تریش ڕۆژی خەماوی هاتەوە یادەوەریمان و ساتی مەرگبارانی ئێوە لەهەناوماندا هەڵقرچانەوەو فرمێسكی بەخوڕی لەچاوانمان باراند.
كارزان گیان.. ئێوەی بەتەمەن مناڵ و پڕ لەبەهرەو توانا، ئەوێ ڕۆژێ بەڕێوەبوون بۆ بەشداری لەفێستیڤاڵی ساڵانەی هونەرەجوانەكان لەشاری هەولێر تا ناسنامەی گەلێكی دێرین بۆ میوانان و بەشداربووانی فێستیڤاڵ بەدەست و پەنجەی زێڕینتان بەیان بكەن و بەو حەشاماتەی چاوەڕێتان بوون بڵێن: ئەوەش ئێمەی میوزیسیانین، بمانبینن، بمانناسن، بزانن لەهەگبەی هونەریماندا ڕووبارێك دیرۆكی میوزیكمان پێیە! لێوڕێژە لەستاتیكای هونەر، ئەو هونەرەی سەرجەم مرۆڤایەتی پێویستێتی و خۆراكی گیانە.
كارزان گیان ئەو هونەرە بەرزو پڕ لەشكۆیەی پەیامی ئێوەبوو، كاریگەرترین چەكی مۆدێرنەی مرۆڤایەتییە، تەپوتۆزی ڕۆژگار نەیتوانیوەو ناتوانێ بیژاكێنێ، هەربۆیەش كە ناوو دەنگی میوزیك دێت، بێ سێ و دوو لەم دەڤەرە شیرین و سروشتە جوانەی كوردستان ناوو ڕەنگی ئێوە دێتە نێودڵان، ئافەرین و چەپڵەو سەری ڕێزتان بۆ نەوی دەكەین، چونكە ئەخلاقی هونەریی ئەوە دەخوازێ و مافی ڕەوای خۆتانە.
یادەوەریتان بەرز ڕادەگرین و دەستی ماندووتان دەگوشین، لێرەوەش پێتانی دەڵێم: بێ خەم بن لەوەی كە ڕووداوو ناحەز نەیانهێشت دوا پەیامتان بگەیەنن، بەڵام با هەمووان ئەوە باش بزانن كە دەنگ و چریكەو سۆزی هونەری كوردی زۆر لەمێژە ڕەگی داكوتاوە، هەرگیز لە بن ناێێ.
بە گوڵبارانەوە یادەوەریتان پڕ لە بۆن و بەرامەو باڵای میوزیك و گۆرانی بێت. ماوەتەوە بڵێم.. كارزان و فەرمان و ڕێبوارو ئازادو چەندین هاوڕێی تریان لەچوونیان بۆ هەولێر، لەنێوان پردێ و هەولێردا بەڕووداوی ئۆتۆمبیل گیانیان لەدەستدا.

عەبدولی حەمە باقی

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شۆڕشه‌كانى سودان له ‌نێوان كوده‌تا…

شۆڕشه‌كانى سودان له ‌نێوان كوده‌تا سه‌ربازييه‌كان و بێده‌نگى نێوده‌وڵه‌تیدا شاناز ...