سەرەکی » دۆسێ » لە سوریا خاچی سوور بەشوێن كارمەندە بێسەروشوێنەكانیدا دەگەڕێت

لە 2013وە رفێنراون

لە سوریا خاچی سوور بەشوێن كارمەندە بێسەروشوێنەكانیدا دەگەڕێت

لیژنەی نێودەوڵەتی خاچی سور، ناوی سێ‌ كارمەندی ئاشكرا دەكات كە لە ساڵی 2013وە لە سوریا رفێنراون، و لە پەرستارێكی نیوزلەندی و دوو شۆفێری سوری پێكدێن، داواشی كردووە، هەر كەسێك زانیاریی لەبارەی چارنوسینانەوە هەیە ئاگادارییان بكاتەوە. لای خۆیەوە نیوزلەندا ئاماژە بەو ئۆپەراسیۆنانە دەكات كە هێزە تایبەتەكانی لە سوریادا ئەنجامی دەدەن بۆ گەڕان بەشوێن لویزا ئەكافی هاووڵاتی وڵاتەكە كە پێشبینی دەكرێت تائێستاش لە ژیاندا بێت.
لە 15ی نیسانی 2019، لیژنەی نێودەوڵەتی خاچی سور، لە بەیاننامەكیدا كە بە زمانی عەرەبی لەپێگەی ئەلیكترۆنی خۆی بڵاویكردەوە، ڕایگەیاندبوو»بانگەوازی گشتی دەكات و داواكارە هەركەسێك زانیاری لەبارەی ئەو سێ‌ كارمەندەیەوە هەیە كە بۆ زیاتر لە پێنج ساڵ دەچێت لو سوریا رفێنراون، ئاگادارییان بكات».
لیژنەكە ناوی هەر سێ‌ كارمەندەكە كە پەرستارێكی نیوزلەندی و دوو شۆفێرە سورین، بڵاوكردبۆوە.
هەر لە بەیاننامەكەدا هاتبوو»لویزا ئەكافی، هاوڵاتییەكی نیوزلەندیە و وەك پەرستار كاری كردووە، شارەزاییەكی باشی هەیە و كەسێكی ئیشكەر و دڵسۆزە، و پێشتر بەشداریی لە 17 كاری مەیدانی كردووە لەگەڵ لیژنەی نێودەوڵەتی و خاچی سوری نێودەوڵەتی».
سەبارەت بە رفێنراوەكانی تر، لە «عەلا رەجەب و نەبیل بقدۆنس پێكدێن كە دوو هاوڵاتی سورین و وەك شۆفێر لەگەڵ لیژنەی نێودەوڵەتی كارییان كردووە و رۆڵییان هەبووە لە گەیاندنی یارمەتییە مرۆییەكان لە وڵاتەكەدا»، بەپێی بەیاننامەكەش ئەو دوو كەسە خێزاندار و منداڵییان هەیە.
وەك بەیاننامەكە باسی دەكات»ئەو سیانە لەكاتی سەفەركردنیان لەگەڵ یەكێك لە كاروانەكانی خاچی سور كە كۆمەك و یارمەتی بۆ بەشە تەندروستییەكان دەگواستەوە لە ئیدلیبی باكووری خۆرئاوای سوریا، لە 13ی تشرینی 2013 لەلایەن گروپێكی چەكدارەوە راگیرابوون».
لیژنەی نێودەوڵەتی خاچی سور دەڵێت»چەكدارەكان حەوت كەسیان رفاندبوو، چواریان لە رۆژی دواییدا ئازادكرابوون».

«داعش دەستبەسەری كردووە»
لیژنەی نێودەوڵەتی خاچی سور، زانیاری بەدەستگەیشتبوو سەبارەت بەوەی كە پەرستارە نیوزلەندییەكە لای رێكخراوی «دەوڵەتی ئیسلامی» توندڕەو دەستبەسەرە، ئەمەش لە بەیاننامەكەدا ئاماژەی پێكراوە.
لیژنەكە ئاماژە بەو هەوڵە بەردەوامانە كردووە كە لەماوەی چەند ساڵی رابردوودا خستویەتیەگەڕ، «لەكاتی دەستبەسەربوونی لویزا لەژێر دەستی رێكخراوی «دەوڵەتی «ئیسلامی»، تەنانەت لە سایەی بەردەوامی گۆڕانكاری داینامیكییەكان لە سوریا».
خاچی سور دەڵێت»نوێترین زانیاری بەڵگەدار كە دەستی كەوتووە، ئاماژە بە زیندوویی لویزا دەكەن تا كۆتایی ساڵی 2018».

«شۆفێرەكان چارەنوسیان نادیارە»
سەبارەت بە دوو شۆفێرە سورییەكە، لیژنەی نێودەوڵەتی خاچی سور رەتیدەكاتەوە»توانیبێتی هیچ زانیارییەك لەبارەی عەلا و نەبیلەوە دەستەبەركرابێت، و تائێستا چارەنوسیان نادیارە».
بەیاننامەكە لە زاری دۆمنیك شتیلهارت، بەڕێوەبەری پرۆسەكانی لیژنەی نێودەوڵەتییەوە بڵاویكردبۆوە»داواكاریین هەركەسێك زانیاریی لەبارەی ئەو سێ‌ كەسەوە هەیە، ئاگادارمان بكاتەوە».
خاچی سور دەڵێت»تائێستاش هاوڕێكانمان دەستبەسەرن، بۆیە داوا دەكەین دەستبەجێ‌ و بەبێ‌ هیچ مەرجێك ئازادبكرێن».

لە دوای كەوتنی دوایین مۆڵگەی داعش
لیژنەی نێودەوڵەتی خاچی سور لە بەیاننامەكەیدا رایگەیاندووە»لە دوای كەوتنی دوایین مۆڵگەی رێكخراوی «دەوڵەتی ئیسلامی» داعش، ترسی ئەوەمان هەیە شوێن پێی لویزا ونبكەین، هیواخوازبوین لەو ماوەیەدا هەلێكی نوێمان بۆ بڕەخسێت تا زانیاری زیاتر لەبارەی شوێن و بون و سەلامەتی پەرستارەكەوە دەستبەربكەین».
بە گوتەی شتیلهارت»لیژنەكەیان بڕیاریداوە، لەئێستادا ناوی كارمەندە رفێنراوەكانی بڵاوبكاتەوە، بەمەبەستی رێزگرتن لەو نەهامەتی و كارەساتەی بەرساندا هاتووە، و تا ئەو سێ‌ هاوڕێیەشمان بزانن كە ئێمە رۆژێك لە رۆژان رانەوەستاوین لە گەڕان بەدوایاندا، و ئەوپەڕی تواناكانمان دەخەینە گەڕ لەپێناو دۆزینەوەیان».
لیژنەكە وێنەی هەرسێ‌ رفێنراوەكەی بڵاوكردبۆوە. لیژنەی نێودەوڵەتی خاچی سور 98 كارمەندی بیانی و 580 كارمەندی سوری لە لە سوریادا هەیە.
بەپێیە روانگەی سوریا بۆ مافەكانی مرۆڤ، رێكخراوی «دەوڵەتی ئیسلامی»، لە دوای دەستگرتنی بەسەر رووبەرێكی فراوان لە سوریا و عیراق لە ساڵی 2014وە، هەزاران كەسی رفاندووە. لەگەڵ ئەوەی زۆربەی رفێنراوەكان لە سوریا هاوڵاتی سورین، ئەوا كەمێك لەو ژمارەیە بیانیین.
لە 23ی ئاداری رابردوو، هێزەكانی سوریای دیموكرات كە لەلایەن هاوپەیمانی نێودەوڵەتی بە سەركردایەتی واشنتۆن پشتیوانیان لێدەكرێت، توانیان بەشێوەیەكی تەواوەتی ئەو «خەلافەت»-ە بڕوخێنن كە لە ساڵی 2014وە لەلایەن رێكخراوە توندڕەوەوەكەوە راگەیەندرابوو، دوای ئەوەی توانرا جیهادییەكان لە دوایین مۆڵگە لە شارۆچكەی باهۆز لە خۆرهەڵاتی سوریا تێكبشكێنن.

نیوزلەندا بەشوێن لویزا ئەكافیدا دەگەڕێت
نیوزلەندا لە 15ی نیسانی 2019 رایگەیاند كە هێزە تایبەتەكانی لەنێو سوریادا ئۆپەراسیۆنەكانی بۆ گۆڕان بەشوێن لویزا ئەكافیدا دەستپێكردووە.
وینستۆن پیتەرز، جێگری سەرۆك وەزیرانی نیوزلەندا ڕایگەیاندبوو، زانیارییەكان لەبارەی ئەو رفاندنەی لە ساڵی 2013دا رویدا بۆ پاراستنی دەستبەسەركراوەكان، ئاشكرانەكراوە.
بە گوتەی پیتەرز، پێشبینی دەكەن ئەكافی (52 ساڵ)، تائێستاش دەستبەسەر بێت لای چەكدارانی ڕێكخراوی «دەوڵەتی ئیسلامی»، لەئێستاشدا ئۆپەراسیۆنێك بە بەشداریی تیمێك كە لە عیراق جێگیرە، لە سوریادا دەستیپێكردووە بۆ دیاریكردنی شوێنی دەستبەسەركردنەكەی.
جێگری سەرۆك وەزیرانی نیوزلەندا دەڵێت»تیمەكە لە هێزەكانی بەرگری نیوزلەندا كە سەر بە هێزەكانی ئۆپەراسیۆنە تایبەتەكانن پێكدێت، و ناوبەناو لە هەر كاتێكدا پێویست بكات دەچنە سوریا».
پیتەرز، تیمەكە بە هێزێكی ناشەڕكەر ناودەبات كە كارەكانی بەشێوەیەكی تایبەت خۆی لە دیاریكردنی شوێنی لویزا و هەلی گێڕانەوەیدا دەبینێتەوە.
لای خۆیەوە رۆژنامەی (نیویۆرك تایمز) نوسیبوی، خاچی سور پێیوایە تائێستاش پەرستارەكە لە ژیاندا بێت، بەو پێیەی دوو كەس ئاماژەیان بە بینینی كردووە لە كلینكێك لە گوندی سوسە، دوایین مۆڵگەی رێكخراوی «دەوڵەتی ئیسلامی لە خۆرهەڵاتی سوریا كە لە مانگی كانوونی دووەمی رابردوودا لەلایەن هێزەكانی سوریای دیموكراتدا كۆنتر‌وڵكرایەوە.
شایەتحاڵەكان دەڵێن، ئەكافی لە كلینكەكانی سەر بە رێكخراوی «دەوڵەتی ئیسلامی» كاری كردووە، ئەمەش واتای ئەوەیە كە لە گرتوخانەدا دەستبەسەرنەكراوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

ئەمریكا كارمەندە ناسەرەكییەكانی لە عیراق پاشەكشە پێدەكات

ئەمریكا داوا لە كارمەندە ناسەرەكییەكانی دەكات لە عیراق، وڵاتەكە بەجێبهێڵن، ...