سەرەکی » کەلتوور » پەخشنامەی هەولێر بەچاپێکی نوێ بڵاوکرایەوەپەڕە 3

پەخشنامەی هەولێر بەچاپێکی نوێ بڵاوکرایەوە

لەدووتووێی 266 لاپەڕەدا (پەخشنامەی هەولێر 1961 – 1963) بەچاپێکی نوێ چاپ و بڵاوکرایەوەو کەوتە بەردەستی خوێنەرانی. ئەم پەخشنامەیە پارێزەر(تاریق جامباز) ئامادەیکردووەو بەزمانی کوردی و عەرەبی بڵاوکراوەتەوەو لەبڵاوکراوەکانی ئەکادیمیای کوردییە.

ئەم هەولێرە لەنێوان پەخشنامەو رۆژنامەدا
دەربارەی سەرلەنوێ چاپکردنەوەو بڵاوکردنەوەی ئەم پەخشنامەیە، بەڕێز تاریق جامباز بەکوردستانی نوێی وت: دوو ئەڵقەی نادیار لەمێژووی رۆژنامەگەریی کوردی لەهەولێر پشتگوێ خرابوون، گەرچی دەتوانرا پێشتر چاپبکرێتەوە، بەڵام چاپ نەکران. بۆیە ئەم دوو پرۆژەیەم لەبەرایی پرۆژەکانی دیکەم داناو دوای ساڵێک و دوو مانگ توانیمان یەکەمیان رۆژنامەی هەولێری پێش (68) ساڵ و لەساڵوەگەری سەدوبیست ساڵەی رۆژنامەگەریی کوردیدا تەواوبکەین کە ئەویش (هەولێر – اربیل 1950 – 1953)بوو. بەڵام لەبەر قەیرانی دارایی ئەکادیمیای کوردی هەر سەد دانەیەکی لەسەر کاغەزو سەد دانەشی لەسەر سی دی چاپکردوو رۆژی 22/4/2018 لەبۆنەی بڵاوکردنەوەیدا بەسەر ئامادەبوواندا دابەشکرد.
وتیشی: پرۆژەی دووەمیشیان کە (هەولێر 1961 – 1963)یە لەچەندین سەرچاوەدا ناوی هاتووە (76) ژمارەی لێدەرچووەو درێژی 40سانتیمەو پانی 26سانتیم بووە، بۆ بەدەستهێنانی ژمارەکان پەیوەندیم بە زۆر کەسەوە کرد، بەڵام هەر چوار کەس بەدەنگمەوە هاتن ئەوانیش ئەندازیار (حەسەن کوڕی عەبدولوەهاب حاجی حەسەن)و (د. شوان خۆشناو)و (د. ئازاد عوبێد)و رۆژنامەنووس(جەمال خەزنەدار) بوون. گەر سەیری لاپەڕەی یەکەمی هەموو ژمارەکان بکەین دەبینین لۆگۆکەی وێنەی قەڵای هەولێرو منارەی چۆلی لەسەرەوەیاندا هەیە.

دوو گەنجینە کەوتەوە بەر رووناکیی
هەروەها بەڕێز تاریق جامباز رایگەیاند: بۆ ئەم دوو هەولێرە دەتوانم بڵێم بەعەوداڵێکی زۆرەوە ئەم دوو گەنجینەیەم جارێکی دیکە خستە بەر رووناکی، چونکە بەردەوام بەدواداچوون و پەیوەندی و سەردانی کەسانم کردووە، (هەولێر 1950 – 1953) ساڵێک و دوو مانگ و ئەم (هەولێر 1961 – 1963)دە مانگی تەواو رۆژانە لەبیرو هزرمدابوو هەتا ئامادەکارییان بۆ بکەم.
وتیشی: پرۆژەی داهاتووم بریتییە لە ئامادەکردنەوەو چاپکردنی رۆژنامەی (گاورباخی) کە پێشتر بەزمانی کوردی و عەرەبی و تورکمانی دەرچووە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

خولی چوارھەمین فێستیڤاڵی فیلمی نێودەوڵەتی سلێمانی راگەیەنرا

لەشاری سلێمانی خولی چوارھەمین فێستیڤاڵی فیلمی نێودەوڵەتی سلێمانی ئەنجام دەدرێت. ...