سەرەکی » هەواڵ » كۆسرەت رەسوڵ: یەكێتیی مامۆستایان هەمیشە بەشێك بوون لە بنیاتنانەوە

پیرۆزبایی بۆ یەكێتیی مامۆستایان

كۆسرەت رەسوڵ: یەكێتیی مامۆستایان هەمیشە بەشێك بوون لە بنیاتنانەوە

بەڕێزان: سەرۆك‌و ئەندامانی سكرتاریەتی یەكێتیی مامۆستایانی كوردستان
بەبۆنەی ”٥٧”ەمین ساڵەی دامەزراندنی یەكێتی مامۆستایانی كوردستان، پیرۆزبایی خۆم ئاراستەی یەكە بەیەكەتان دەكەم‌و ئومێدەوارم وەك هەمیشە مامۆستایان پێشەنگی خەباتی زانست‌و پەروەردەو فێركردن بن‌و یەكێتی مامۆستایانیش بەرگریكاری مامۆستایان بێ.
لە تەمەنی پڕ بەخششی خۆیدا، یەكێتی مامۆستایانی كوردستان‌و مامۆستایانی خاوەن هەڵوێست هەمیشە ڕێنیشاندەری ڕێگای ڕاستی خوێندكاران بوونەو پێشەنگ بوونە لە گەشەپێدانی گیانی بەرەنگاری‌و مقاوەمەت لەسەردەمی خەباتی شاخ‌و لەسەردەمی حوكمڕانی خۆمانیش هەمیشە بەشێك بوونە لەبنیاتنانەوەی ڕۆحی نیشتمانپەروەری‌و خاك‌و وڵات خۆشویستن، لە ساڵانی ڕابردووی پڕ قەیران‌و دواكەوتنی مووچەو شەڕی ڕووبەڕووبوونەوەی تیرۆریستان، مامۆستایانی كوردستان سەربەرزانە نەیانهێشت پرۆسەی پەروەردەو فێركردن لەكوردستان دوابكەوێ‌و بەردەوامیان دا بە پێگەیاندنی خوێندكاران‌و نەوەكانی داهاتووی وڵات.
بۆ ئێستا، ئەركە لەسەر شانی هەموومان بەگشتی‌و حكومەتی هەرێمی كوردستان بەتایبەتی كە باشترین خزمەتی مامۆستایان بكەین‌و لەئاست داخوازییەكانیان دەست لەسەر سنگ بوەستین‌و هەوڵی جێبەجێكردنیان بدەین.
جارێكی تر پیرۆزبایی خۆم ئاراستەی تەواوی مامۆستایانی كوردستان دەكەم.

كۆسرەت رەسوڵ عەلی
جێگری سكرتێری گشتیی (ی.ن.ك)

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

حاكم قادر: هەمیشە پشتیوانی مامۆستایان دەبین

شوان كەریم دوێنێ، بەبۆنەی یادی (57) ساڵەی دامەزراندنی یەكێتیی مامۆستایانی ...