سەرەکی » وتار » د.شیركۆ عبدالله‌‌ » زۆر زۆر موحتەرەم

زۆر زۆر موحتەرەم

ـ ئەزانی كێ‌ زۆر زۆر لەلام موحتەرەمە؟
× كوڕێك خزمەتی دایك و باوكی بكات؟!
ـ رۆڵە گیان ئەوە واجیبە.. ئیحتیرامی بۆ چییە؟
× مەسئولێك كە لە خۆی نەگۆڕا بێت؟
ـ شتی وا كوا هەیە؟!! نەتزانی.
× ئەكتەرێك دیعایە بۆ دایبی و شەربەت و ئەمانە نەكات؟
ـ چاو چاو.. بزانە بردیەوە بۆ كوێ‌!! ئەكتەری داماو مەجبوورە.. ئەی بە چی ماڵ و مناڵ بەخێو بكات؟.. من مەبەستم كەسێكە شتێكی عەجایەب بكات.
× ئێ‌ ئێ‌.. دكتۆرێك عیادەكەی كردبێ‌ بەبەلاش؟
ـ نەخێر.. ئەوە خۆی نەوعێ‌ ریكلامە.. دوایی بە رێگەی تر لە قنگی نەخۆشەكەی دەرئەهێنێتەوە.. من ئیشی ساغ و پیاوانە ئەڵێم.
× مرورێك رەقەمی سەیارەی جام تاریك بگرێ‌؟
ـ خەیاڵی عیلمی باس ناكەم كەلـلەپووت.. شتی واقیعیم ئەوێ‌.
× دوكاندارێك تەرازووەكەی مەزبووت بێ‌؟
ـ ئاخر با نەكێشم بە دەمتا.. نایزانی.. بڵێ‌ نایزانم و ئەهـ.
× باشە باش.. ئەزانم كێ‌ ئەڵێی.. مەكتەب سیاسییەك باخی نەبێ‌؟
ـ دەوەرە لە پێستی خۆت دەرمەچۆ!!.. باخ چییە بێ‌ ئەقڵ؟؟ ئێستا بەعزێكیان پاپۆڕی نەوتیان هەیە.
× دە باشە خۆت پێم بڵێ‌.. كێ‌ زۆر زۆر موحتەرەمە؟
ـ نایزانی!!؟
× نەبەخوا.
ـ سایەق ماتۆڕێك كە گەیشتە لات پێ‌ نەنێ‌ بە بەنزیندا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شیری‌ به‌ری‌ دایكیان

× ئاهـ كه‌ ناخۆشه‌ ئه‌م چاوه‌ڕوانی‌ یه‌ به‌گم. به‌ڕاستی‌ عه‌زابه‌. ...