سەرەکی » دۆسێ » ئەنجومەنی سەربازی و ئۆپۆزسیۆنی سودان رێكەوتن

ماوەی دەسەڵاتی ئینتیقالیان دیاریی كرد

ئەنجومەنی سەربازی و ئۆپۆزسیۆنی سودان رێكەوتن

ئەنجومەنی سەربازی لە سودان، و هاوپەیمانی هێزەكانی ئازادی و گۆڕانكاریی ئۆپۆزسیۆن، لەسەر هەرمی دەسەڵاتی ئینتیقالی لە وڵاتەكەدا رێكەوتن كە قۆناغی ئینتیقالی بە سێ‌ ساڵ دیاریی كرد، وێڕای رێكەوتنی كۆتایی لەسەر وردەكاریی قۆناغەكە.
لەو بارەیەوە یاسر عەتەڵڵا، ئەندامی ئەنجومەنی سەربازی رایگەیاندبوو، رێكەوتن لەسەر دەسەڵاتەكانی ئەنجومەنی سیادی و ئەنجومەنی وەزیران و ئەنجومەنی یاسادانان كراوە كە لێوەی ژمارەی ئەندامەكانی بە 300 ئەندام دیاریی كردووە، هاوپەیمانی هێزەكانی ئازادییش سێیەكی كورسییەكانیان بەردەكەوێت و ئەوی تریش بۆ حزبەكانی تر دەمێنێتەوە.
لای خۆیەوە، مەدەنی عەباس، ئەندامی وەفدی دانوستانكار لە هێزەكانی ئازادی و گۆڕانكاری دەڵێت، رێكەوتن لەسەر ماوەی ئینتیقالی كراوە كە سێ‌ ساڵە، شەش مانگی یەكەمیش بۆ چارەسەركردنی كێشەكانی جەنگ و ئاشتی تەرخان دەكرێت.
هەروەها هەردوولا لەسەر پێكهێنانی لیژنەی لێكۆڵینەوە لە رووداوەكانی توندوتیژی رێكەوتن كە لەم ماوەیەی دواییدا رویدا و تێیدا دەیان كەس كوژران و برینداربوون.
دانوستان، لەنێوان هەردوولادا بۆ بەردەوامبوون لەسەر گفتوگۆ لەسەر رێژەی بەشداریی لە ئەنجومەنی سیادی پێشنیاركراو، ئەنجام دراوە.
هەر لەو چوارچێوەیەدا، ساتع ئەلحاج، یەكێك لە ئەندامانی هاوپەیمانی، ئاماژەی بە لێكنزیكبوونەوەی دید و بۆچوونەكان كردبوو، لەو بارەیەشەوە رایگەیاندبوو، بەردەوام دەبن بۆگەیشتن بە رێكەوتن لەسەر پێكهێنانی ئەنجومەنێكی سیادی نوێ‌ كە دەكرێت وڵات بەرەو هەڵبژاردن ببات.
ئەنجومەنی سەربازی، بەپێویستی زانیبوو، ماوەی ئینتقالی زیاتر لە دوو ساڵ نەخایەنێت، ئەمەش لەكاتێكدا كە هێزەكانی گۆڕانكاریی خواستی لەوەبوو چوار ساڵ بەردەوام بێت.
هاوپەیمانی ئۆپۆزسیۆنی سودانی، حاكمە سەربازییەكانی بە نوێبوونەوەی توندوتیژی لە شەقامەكان و ئاڵۆزكردنی هەوڵەكانی دانوستان بۆ رادەستكردنی دەسەڵات لەپاش روخانی سەرۆك عومەر بەشیر، تۆمەتبار كردبوو.
بەڵام مەدەنی عەباس پێیوایە»زۆر ئاشكرایە كە هێزی دژە شۆڕش هاتۆتەئارا و هەست بە ناڕەزایی دەكات بەرانبەر بە پێشكەوتووەكانی دانوستانەكان».
لەم ماوەیەی دواییدا، بەهۆی نوێبوونەوەی توندوتیژی لە سودان، چوار كەس كوژران و لانی كەم دەیانی تر برینداربوون.
مەدەنی لە كۆنفرانسێكی رۆژنامەوانیدا لەگەڵ فەریق عەتا، باسیان لە ئەنجومەنی سەربازی و شێوازی لیژنەی لێكۆڵینەوەكان لەبارەی بەئامانجگرتنی خۆپیشاندەران كردبوو كە بە گوتەی مەدەنی، لیژنەی هاوبەش لەگەڵ هاوپەیمانی هێزەكانی گۆڕانكاری بۆ پوچەڵكردنەوەی هەر هەوڵێك بۆ بڵاوەپێكردنی مانگرتن و خۆپیشاندانەكانی بەردەم وەزارەتی بەرگری، پێكهێنراوە.
لە 13ی ئایاری 2019، تەقەكردن لە خەرتومی پایتەخت بیسترابوو، ئەمەش هاوشان بوو لەگەڵ هێزەكانی ئامادە كە لەلایەن جێگری سەرۆكی ئەنجومەنی سەربازییەوە سەركردایەتی دەكرێن، بەشێوەیەكی چڕ دەورییەكانیان لە شەقامەكاندا ئەنجامداوە و گازی فرمسێكڕێژییان بۆ بڵاوەپێكردنی خۆپیشاندەران، بەكارهێنابوو.
خۆپیشاندەران كە دەیانەوێت گوشار لەسەر سوپا دروستبكەن بۆ خێرا رادەستكردنی دەسەڵات، لە 14ی ئایاری 2019 دەستییان كردەوە داخستنی رێگەوبانەكان، بەپێی ئەو وێنانەش بێت كە لە پێگە كۆمەلایەتییەكاندا بڵاوبوونەتەوە، پردەكان بە تایە و داروبەرد داخراون.
خۆپیشاندەران لە دەرەوەی وەزارەتی بەرگری سودان، لە 6ی نیسانەوە مانیانگرتووە و لە 14ی ئایاری 2019دا بەربەستییان بۆ جیاكردنەوەی ناوچەی مانگرتووەكان و خۆرهەڵاتی خەرتوم لە ناوەڕاستی شارەكەدا دانا.
خالید عومەر یوسف كە یەكێكە لە گەورە كەسێتییەكان لە هاوپەیمانی هێزەكانی گۆڕانكاری، لە كۆنفرانسێكی رۆژنامەوانیدا رایگەیاندبوو»بەرپرسیارێتی ئەو تەقانەی كران لەلایەن هێزە تایبەتەكانەوە، بەرەنجامەكانی دەكەونە ئەستۆی ئەنجومەنی سەربازی». كورانی ژمارەیەك لە خۆپیشاندەران، یەكەم رووداوی لەو جۆرەیە لە دوای چەند هەفتەیەك لەو خۆپیشاندانانەی كە بونە مایەی روخاندنی بەشیر. لەنێوان كوژراوەكاندا، ئەفسەرێكی پۆلیسی سەربازی و سێ‌ خۆپیشاندەر هەن، ئەمەش بەپێی تەلەفیزیۆنی حكومی.
لای خۆیەوە، ویلایەتە یەكگرتووەكان، پشتیوانی لە هاوپەیمانی ئۆپۆزسیۆن دەكات، تا بەرپرسیارێتی هێرشەكە بداتە پاڵ ئەنجومەنی سەربازی، ئەمەش دوای هەوڵی لابردنی ئەو بەربەستانەی كە لەلایەن خۆپیشاندەرانەوە لە رێگەوبانەكان دانرابوون.
باڵێوزخانەی ئەمریكا لە خەرتوم، لە بەیاننامەیەكدا رایگەیاندبوو»بڕیاری هێزە ئەمنییەكان بۆ زیاتر بەكارهێنانی هێز، بە بەكارهێنانی ناپێویستی گازی فرمێسكڕێژەوە، هۆكاری راستەوخۆی روودانی ئەو توندوتیژیانە بوون كە ناكرێت قبوڵ بكرێن، ئەنجومەنی سەربازیش لەو نێوەندەدا ناتوانێت رەوشەكە كۆنترۆڵ بكات».
نەخۆشخانەی خەرتوم رایگەیاندبوو، زیاتر لە 60 برینداری لە 14ی ئایاردا وەرگرتووە، وێڕای وەرگرتنی سێ‌ تەرم.
عەممار ئەبو بەكر، بەڕێوەبەری نەخۆشخانەی شاری موعەلیمی پزیشكی، بە ئاژانسی (رۆیتەرز)ی راگەیاندبوو»هەندێك لە بریندارەكان گوللـە بەر شان و سنگ هەندێك بەشی تری جەستەیان كەوتبوو، هەندێك لە بریندارەكانیش بری بەر شان و سنگ هەندێك بەشی تری جەستەیان كەوتبوو، هەندێك لە بریندارەكانیش برینەكانیان بەهۆی لێدانەوە بووە».

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

پارتە پۆپۆلیست و ڕاستڕەوەکان..

پارتە پۆپۆلیست و ڕاستڕەوەکان دەنگدەرانیان سێ بەرابەر زیادی کردووە سیروان ...