سەرەکی » ئاراستە » بەرەو نوێبوونەوە

بەرەو نوێبوونەوە

نەسرین کوردە

یەكێتی یان حزبی چەپكە گوڵەكە هەر لەسەرەتای دامەزراندنییەوە بایەخ و گرنگی بە بواری رووناكبیریی و بیری كوردایەتی داوە، دەتوانم بڵێم سەرمەشقی خەباتی مەدەنی و رۆشنگەریی بووە، ئەگەرچی وەك پێویست نەیتوانیووە وەڵامدەرەوەی خواستی خەڵك و قۆناغە مێژووییە یەك لە دوایەكەكان بێت، ئەویش بەهۆی سیستمی فرە حزبی و ئایدیاو بیری جیاوازەوە، بەڵام لەگەڵ ئەوەشدا خاڵی نەبووە لەو بوارانەدا كە ئاماژەم پێكردووە، هەنگاو بەهەنگاو و پێ بەپێی مێژوو توانیوێتی بەردەوامی بە خۆی بدات، هەرچەند دووچاری چەندین تەكانی سیاسی و هەژانی سیاسی بۆتەوە.
یەكێتی بە دروشمی ئاشتی و دیموكراسی و مافی مرۆڤ و مافی چارەی خۆنوسین 44 ساڵە لەنێو كایەی سیاسیدا رۆڵی بینیووەو لە خەبات و تێكۆشان بەردەوامە، 44 ساڵە دەجەنگێت بۆ پارێزگاریی لە كۆمەڵانی خەڵكی بە فیكرو بۆچوونی جیاواز بە چەك و بە عەقڵ و بە خوێنی شەهیدانی رێی رزگاری، جەنگاوە دژبە رژێمی بەعس دژبە تیرۆرستان دژ بەئایدیا جیاوازەكان كە هەمیشە وەسفی یەكێتییان بە رووخان و بە توانەوە كردووە، هەوڵی دوژمنانی یەكێتی چەند میلێكیشی نەبڕیووە.
بەداخەوە گرژیی و ئاڵۆزیی و لێكتێنەگەشتن و یەكتر قبوڵنەكردن لەنێو ریزەكانی ی.ن.ك لەهەموو حزب و رێکخراوەکانی دیکەی كوردستانی گرتۆتەوە، لەبەرئەوە كۆمەڵانی خەڵك لەم چەند ساڵەی دواییدا گلەیی و گازندەیان هەبووە لە ئەدای یەكێتی و کادرانی یەكێتی، ئەمەش بۆ ئەوە دەگەڕێنمەوە كە یەكێتی خاوەنی بەرنامەیەكە فیكرو رای جیاوازی لەخۆ گرتووە، ئەمەش لەخۆیدا بریتییە لە دیموكراسی ناو هەناوی حزبەکەو قبووڵکردنی جیاوازیی، یەكێتیش بەوجۆرە لەنێو جەماوەرەكەیدا ناسراوە.
بەهەرحاڵ هەمیشە پەیامی پێكەوە ژیان و یەكپارچەیی بەشێك بووە لە میتۆد و بەرنامەی یەکێتی.
ئەوەی ماوەتەوە بووترێت و بۆمن جێی بایەخە، مەسەلە چارەنووسسازەكانە چ ناوخۆیی یان دەرەكی، لەم یادە مەزنەدا دەبێت جەخت بكەینەوە لە یەكڕیزیی و گیانی یەكتر قبووڵكردن و هێنانە پێشەوەی گەنجان و بەڵێندان بەوەی كە جێبەجێكاری بەرنامەو پەیڕەوی ی.ن.ک بین و بەرژەوەندییە كەسییەكان وەلابنێین و بەرژەوەندیی خەڵكی کوردستان بەگشتی بكەینە سەرمەشقی كارو چالاكیمان و رازی بوونی خەڵكی بەدەست بهێنین، چونكە مانەوەی یەكێتی و بەردەوامیی یەكێتی پەیوەستە بە كۆمەڵانی خەڵكەوە و لەو پێناوەشدا دەستپێكێكی نوێمان هەبێت بۆ ساڵیادی یەكێتی و هەمووان قبووڵمان بێت وەك چۆن یەكێتی لە سەرەتای دروستبوونیەوە هی خەڵك بووە، ئێستاش بەهەمان شێوە بگەڕێینەوە بۆ نێو خەڵك، ئەوەش لەبەر ئاسودەبوونی رۆحی شەهیدان و برەودان بە خەباتی رزگاریی گەلەكەمان.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

پێشمه‌رگه‌ی هه‌ڵمه‌تبه‌ری‌ شاخ و پارێزه‌ری‌ ئارامیی شار

ئالان حه‌مه‌جه‌زا سه‌وڵجانی‌ یه‌كێتیی نیشتمانیی كوردستان شۆڕشگێڕترین حزبه‌ كه‌ زۆرترین ...