سەرەکی » وتار » بارزان شێخ عوسمان‌ » ی.ن.ك چۆن پێشوازیی بكات لە ساڵێكی نوێی …

ی.ن.ك چۆن پێشوازیی بكات لە ساڵێكی نوێی …

ی.ن.ك چۆن پێشوازیی بكات لە ساڵێكی نوێی تەمەنە پڕ سەروەرییەكەی؟

هەمیشە لە ساڵڕۆژەكانی یادی دامەزراندنی ی.ن.ك-دا وتە بە نرخ و پڕ ئامۆژگارییەكانی سەرۆك مام جەلال-ی مەزنم بەبیر دێتەوە، لەوانە وتە بەناوبانگەكەی (لەسەر چەپكە گوڵی سەركەوتنەكان خەوتان لێنەكەوێت). واتە ی.ن.ك ئەبێت لە خەبات و تێكۆشان نەوەستێت و هەمیشە لە داهێنانەكانی خەباتكردنیدا بەردەوام بێت لەپێناوی بەدەستهێنانی دەستكەوتی زیاتر بۆ گەلی كوردستان، كە لە هەموو سەردەم و قۆناغەكانی خەباتدا هیوای لەسەر هەڵچنیوە. وەك هەمیشە سەرۆك مام جەلال-ی مەزن دووپاتیكردۆتەوە، ئەبێت ی.ن.ك شانبەشانی خواستەكانی سەردەم، هەنگاو بنێت و لە ئاست داواكاری و پێداویستییەكانی ئەو قۆناغەدا بێت، كە مامەڵەی لەگەڵدا ئەكات .
دیارە ی.ن.ك كە هەڵقوڵاوی ناخی جەماوەرە هەر بەو جۆرە هەڵسوكەوتی كردووە كە وەڵامی خواست و ویستەكانی قۆناغەكەی خۆی بێت. راستە ی.ن.ك خاوەنی سوپایەكی چۆنایەتی و چەندایەتیی كادێر و تێكۆشەری لێوەشاوە و شارەزا بووە بە ئێستاشەوە، بەڵام ئەو كاتەی كە مامی گەورەمان هێشتا لێمان دوور نەكەوتبووەوە، زامنی بە ئاكام گەیاندن و مەیسەربوونی هەموو ئەركەكان و چارەسەركردنی كێشە و گرفتەكان بوو، بۆیە ئێستا ئەركەكان قورستر و سەخت تر بوون و پێویستیان بە را و تەگبیری ورد و قوڵترە. بە بڕوای من ئەو كارەش هێندە قورس و گران نابێت بەوەی بیر و روانینی مام جەلال-ی مەزن بكرێتە رێنما و بیركردنەوەكانمان بۆ مامەڵەكردن لەگەڵ پێشهات و گۆڕانكارییەكان و پەیوەندییەكانمان لەگەڵ ئەوانی تردا. وەك ڤلادیمیر لینین ئەیگێڕێتەوە، هەركاتێك كێشەیەك ئەهاتە رێگەیان ئەگەڕانەوە بۆ كتێب و نووسینەكانی ماركس و ئەنگلس، ئێمەش پێویستە بۆ دانوستان، هاوپەیمانی، پەیوەندیی سیاسیی و كاروباری حزبیی، پەرلەمانیی، حكومی و كۆمەڵایەتی و ئەوانیتر، بگەڕێینەوە بۆ لای جەنابیان كە سامانێكی زۆری لە هەموو بوارەكاندا بۆ جێهێشتووین و پەكمان ناكەوێت و هیچ هەڵەیەك ناكەین.
ئەو بارودۆخەی ئەمڕۆ وا ئەخوازێت كە پیاچوونەوەیەكی وردتر بكرێت بە هەنگاوەكانی چەند ساڵی رابردوو لە ساڵی ٢٠١٣ ەوە چی كراوە و هەڵەكان لە كوێدان و چیمان بكردایە و نەكردایە؟
ئەبێت هەروەك رابردوو ی.ن.ك گوێ لە هەمووان بگرێت، بەڵام باشترینیان هەڵبژێرێت و بە قسەی خۆی بكات، نابێت لە ژێر كاریگەریی هیچ لایەنێك دەستبەرداری ئەو سیاسەتەی بێت كە پێی راست و دروست بووە، (چونكە ی.ن.ك هەمیشە سیاسەتی سەربەخۆیی سیاسیی پەیڕەو كردووە ‌و هەمیشە پاشكۆیەتی و وابەستەیی رەتكردۆتەوە)، دیارە ئەو هەنگاوانەی كە ئاماژەیان بۆ كرا، تەنیا و تەنیا بە یەكڕیزیی ناو یەكێتییەكەمان و پاراستنی سیاسەتە راست و رەواكەی ی.ن.ك دێنە دی، كە 44 ساڵە بەردەوامە لەسەری، ئەگەر خوانەكردە هەر شانازی بە مێژووەكەمانەوە بكەین و كار نەكەین بۆ تۆماركردنی سەروەری و زامنكردنی دەستكەوتی زیاتر بۆ جەماوەری گەلەكەمان و دۆستەكان پۆلێن نەكەین كە كامەیان لە پێشترینە! ئەوا یادكردنەوەكان لە دروشم و شیعر و خوازیاریی زیاتر تێپەڕ ناكات، ئەوەش هەرگیز لەگەڵ ناو و پێگەی ئەو ی.ن كوردستانەدا یەك ناگرێتەوە كە ئاواتی هەموومانە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

بۆ كۆنگره‌، پێویستمان به‌ حه‌كیمێکه‌

به‌ستنی چواره‌مین كۆنگره‌ی گشتیی ی.ن.ك بووه‌ته‌ دیفاكتۆ (ئه‌مری واقیع)، تازه‌ ...