سەرەکی » وەرزش » نادال دوانزه‌یه‌مین رۆلان گارۆسی برده‌وه‌

نادال دوانزه‌یه‌مین رۆلان گارۆسی برده‌وه‌

رافائێل نادالی ئیسپانی به‌رده‌وامه‌ له‌سه‌ر كۆنتڕۆڵكردنی نازناوی پاڵه‌وانێتی گراندسلامی رۆلان گارۆس و توانی بۆ جاری دوانزه‌یه‌م له‌ ژیانی وه‌رزی ئه‌و نازناوه‌ بباته‌وه‌، به‌مه‌ش بووه‌ یه‌كه‌م یاریزان له‌ مێژووی تێنسی سه‌رزه‌وی 12 جار نازناوێكی گراندسلام بباته‌وه‌.
نادال كه‌ پادشای یاریگای گڵ ناسراوه‌ له‌ یاری كۆتایی هاوشێوه‌ی ساڵی رابردوو رووبه‌ڕووی دۆمینیك سیمی نه‌مسایی بۆوه‌ كه‌ ئه‌ویش به‌ دووه‌م باشترین یاریزانی سه‌ر یاریگای گڵ داده‌نرێت، له‌ یارییه‌كه‌شدا نادال هاوشێوه‌ی وه‌رزی رابردوو سه‌ركه‌وتنی تۆماركرد و توانی به‌ 3 كۆمه‌ڵه‌ به‌رامبه‌ر به‌ كۆمه‌ڵه‌یه‌ك براوه‌بێت.
به‌ بردنه‌وه‌ی‌ ئه‌و نازناوه‌ش نادال ژماره‌ی نازناوه‌كانی گراندسلامی له‌ ژیانی وه‌رزشی گه‌یانده‌ 18 نازناو و له‌ ریكۆردی رۆجێر فێدره‌ر نزیكبۆوه‌ كه‌ خاوه‌نی 20 گراندسلامه‌.
نادال له‌وه‌ته‌ی‌ بووه‌ته‌ یاریزانی پیشگه‌ر هیچ ركابه‌رێكی ئه‌وتۆی له‌ رۆلان گارۆس نه‌بووه‌ كه‌ له‌و كاته‌وه‌ له‌ كۆی 95 كه‌ له‌ پاڵه‌وانێتییه‌كه‌ كردویه‌تی 93 یاری بردۆته‌وه‌و ته‌نها 2 یاری دۆڕاوه‌.
دوای بردنه‌وه‌ی‌ ئه‌م نازناوه‌ش نادال بریاری دا پشوو وه‌ربگرێت و رایگه‌یاند تا گراندسلامی ویمبڵدۆن به‌شداری هیچ پاڵه‌وانێتییه‌كی سه‌ر یاریگای چیمه‌ن ناكات، به‌ڵام دوپاتی كرده‌وه‌ هه‌موو هه‌وڵێك ده‌دات بۆ ئه‌وه‌ی‌ ویمبڵدۆن بباته‌وه‌.
نادال پێشتر 2 جار له‌ ساڵانی 2008 و 2010 ویمبڵدۆنی بردۆته‌وه‌ به‌ڵام له‌و كاته‌وه‌ ئه‌نجامه‌كانی وه‌كو پێویست نه‌بوون، ئه‌مه‌ش سه‌ره‌ڕای ئه‌وه‌ی‌ ساڵی رابردوو گه‌یشته‌ پێش كۆتایی.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

تۆپی پێ چییە؟

دانەر ئەسڵان لە نێو تەواوی وەرزشەکاندا وەرزشی تۆپی پێ لەم ...