سەرەکی » راپۆرت » جارێكی تر پەیوەندییەكانی نێوان توركیا و ئەمریكا گرژ دەبێتەوە

«ئێس-400» هۆكارە

جارێكی تر پەیوەندییەكانی نێوان توركیا و ئەمریكا گرژ دەبێتەوە

وەزارەتی بەرگری ئەمریكا (پنتاگۆن)، مۆڵەتی تا 31ی تەمموزی داهاتوو بۆ توركیا دیاریی دەكات، تا واز لە گرێبەستی سیستمی بەرگری (ئێس- 400)ی روسی بهێنێت.
ئەم هەڵوێستەی پنتاگۆن لەڕێی چەند لێدوانێكەوە بوو كە لەلایەن ئاژانسی (فرانس پرێس)ەوە بڵاوكرانەوە.
پێشتر سێرگی چیمیزۆڤ، سەرۆكی دامەزراوەی (رۆستیخ)ی حكومی ڕوسی ڕایگەیاندبوو، پرۆسەی رادەستكردنی سیستمی بەرگری ئاسمانی روسی (ئێس- 400) بە توركیا، لەماوەی دوو مانگدا دەستپێدەكات.
چیمیزۆڤ لە میانی دیمانەیەكی لەگەڵ تەلەفیزیۆنی (ئێن تی ڤی) لە پەراوێزی كۆڕبەندی سان پترسپبۆرگی ئابوری نێودەوڵەتی ڕایگەیاندبوو”هەموو كاروبارەكان بە باشی بەڕێوەدەچن، بۆیە پێموایە لەماوەی دوو مانگدا دەستبكرێت بە ڕادەستكردنی سیستمی (ئێس- 400)، پێشتر وەجبەیەكمان بەدەستهێنا و ئامرازەكانیشی بەرهەمهێنران، وێڕای تەواوكردنی مەشق و ڕاهێنانەكان”.
بەرپرسانی ئەمریكا لە 7ی حوزەیرانی 2019 ڕایانگەیاندبوو، ویلایەتە یەكگرتووەكان بڕیاریداوە هیچ فڕۆكەوانێكی تورك وەرنەگرێت بۆ مەشقكردن لەسەر فڕۆكەی جەنگی جۆری (ئێف-35)، ئەمەش وەك ئاماژەیەكی ڕوون بۆ ئەو ناكۆكیانەی لەسەر پلانەكانی ئەنقەرە هەن سەبارەت بە كڕینی سیستمی موشەكی ئاسمانی روسی.
پێشتر جێگری ڕاوێژكار لە وەزارەتی بەرگری ئەمریكا بۆ كاروباری ئەورووپا و ناتۆ، رایگەیاندبوو كڕینی»ئێس- 400» لەلایەن توركیاوە، مەترسی لەسەر گرێبەستی فڕۆكەكانی F-35ی ئەمریكا بە وڵاتەكە، دروست دەكات.
لەمیانی كۆڕبەندێكدا لەژێر ناوی «داهاتووی هاریكاری ئاسایشی ئۆقیانوسی ئەتڵەسی» كە لە واشنتۆن لەلایەن ڕێكخراوی بیری فۆریجن پۆلیسی كە ناوەندەكەی لە واشنتۆنە لەگەڵ یەكێتیی ئەورووپا سازكرابوو، ئاندریو وینتەرنیتز رایگەیاندبوو» كڕینی (ئێس- 400) لەلایەن توركیاوە مەترسی بێ‌ پێشینە دروست دەكات، چونكە راداری سیستمەكە زانیاری هەستیاری باڵاترین كوالێتی نەوەی پێنجەمی فڕۆكەی F-35مان بۆ سوپای ڕووسیا دەستەبەر دەكات، بۆیە هیچ بیانوویەك نییە كە ببێتە مایەی كەمكردنەوەی نیگەرانییەكانمان لەو رووەوە».
بە گوتەی ئەو بەرپرسەی ئەمریكا»حكومەتی ئەمریكا بەردەوامە لە گفتوگۆكانی لەگەڵ ئەنقەرە لەو بارەیەوە، ئەو گرێبەستەی توركیا لەگەڵ روسیادا بە هیچ شێوەیەك پەیوەندییەكانی توركیا لەگەڵ ناتۆدا یەكناگرێتەوە».

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

له‌ شامه‌وه‌ بۆ ئیمــرالی… ئۆج ئالان

وه‌رگێرانی له‌ توركیه‌وه‌: شنۆ هیرانی ن: موراد یه‌تكین بەشی دووەم ...