سەرەکی » هەمەڕەنگ » كۆنسێرتێك بۆ هونەرمەند سدیق شەیدا

كەركوك

كۆنسێرتێك بۆ هونەرمەند سدیق شەیدا

نوسینگەی كەركوك، هێمن ئەحمەد

هاوكات لەگەڵ 47مین ساڵیادی كۆچی دوایی هونەرمەندی گەورەی كورد حەسەن زیرەك، كۆمپانیای دیناری عیراقی كۆنسێرتێكی گوڵبژێر لەگۆرانییەكانی زیرەك بۆ هونەرمەند «سدیق شەیدا « لەسەنتەری رۆشنبیری كەركوك سازكرد.
مەبەست لەم كۆنسێرتە گەیاندنی پەیامێكە بۆ بەرزو پیرۆزڕاگرتنی كەلتوری نەتەوایەتی‌و پاراستنی ئەو میلۆدیە رەسەنانەی كە لەدەنگی زیرەكەوە بەزیرەكی هاتۆتە بوون، هەروەها ناساندنی دوێنێ بەئەمڕۆو زیندوڕاگرتنی ئەمڕۆ بۆ سبەی، نامەیەكە پێویستە دەستاوو دەست بیگەیەنین‌و نەوەی نوێ بەڕابردوو ئاشنا بكەین.
سەرەتای دەستپێكی كۆنسێرتەكە بەپارچە میوزیكێك دەستی پێكردو دواتر لەلایەن هونەرمەند سدیق شەیداوە گۆرانیەكانی (گەوهەرێ، ماڵی بابم نەسرین، شەدەلار، لۆركێ، سابڵاخ، نوری روخسارت، هەروایە، ئامینێ) لەگەڵ نمایشكردنی چەند دیمەنێكی هەڵپەڕكێ كە لەلایەن گروپی هەڵپەڕكێ نەورۆز ئامادەكرابوو پێشکەشکران.
لەوبارەیەوە هونەرمەند حەمە رەئۆف كەركوكی كە ئامادەی كۆنسێرتەكە بوو بەكوردستانی نوێی وت: «مامۆستا حەسەن زیرەك مێژوویەکی هەیە لەگەڵ شاری كەركوك‌و زوو زوو سەردانی كوچەو كۆڵانەكانی ئەم شارەی كردووەو گۆرانی لێ وتووەو لەزۆربەی چاوپێكەوتنەكانیدا باسی كەركوكی كردووە، بیرمە جارێكیان هونەرمەندی گەورەی رۆژهەڵات مامۆستا میرزادە دوو شتی گێڕایەوەو وتی: كاتێك من ژەنینم بۆ دەنگی حەسەن زیرەك كرد وەتەری كەمانچەكەم بەرەو پێشەوە بەرێت‌و دواتر من بتوانم كار بۆ گەورە هونەرمەندانی فارس بكەم، هەروەها وتی: رۆژێكیان زیرەك ئاوازێكی هێنا زۆر سەیربوو بەلامەوە كاتێك گوێم لێگرت سەرسۆرهێنەر بوو، چونكە لەگەڵ ئۆكتافی مۆسیقادا بەرز دەبێتەوە هەر تۆشی سەرم سۆڕمان بووم، چونكە ئەم هونەرمەندە خوێندەواری نەبووەو لەمۆسیقاشدا شارەزایی نەبووە چۆن ئەم ئاوازەی داناوە دواتر لەنێو خۆماندا بووە كێشە كە چۆن ئەم ئاوازە چارەسەر بكەین تاوەكو هونەرمەند حەسەن زیرەك گۆرانیەكەی بڵێت، بۆیە هەرچییەك بۆ ئەم كەڵە هونەرمەندە بكرێت هێشتا كەمە».
هاوكات خاوەنی كۆمپانیای دیناری عیراقی بەكوردستانی نوێی وت: «وەك كۆمپانیای دیناری عیراقی بەباشمانزانی‌و خۆمان بەخۆشحاڵ دەزانین كە سپۆنسەری ئەم كۆنسێرتەمان لەئەستۆ گرتووە، چونكە شاری كەركوك هونەرمەندی زۆر باشی تێدا، بەڵام كێشەی داراییان هەیەو ئێمەش هەر كارێك لەتوانامان بێت بۆ پاڵپشتی هونەرمەندان دریغی ناكەین.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

شه‌مه‌ندۆفێری‌ موشه‌ک هاوێژ

ئاژانسی‌ هه‌واڵی‌ نۆڤستی‌ له‌ زاری‌ ئیگۆر كۆرۆچبینكۆ سه‌رنووسه‌ری‌ گۆڤاری‌ ناسیۆنالنایا ...