سەرەکی » ئاراستە » لە رێی كوردستانی «نوێ»وە بەهەمووان رادەگەیشت

لە رێی كوردستانی «نوێ»وە بەهەمووان رادەگەیشت

دێدەوانی یەعقوب / كۆیە

ڕەنگە ئەگەر هەر كەس كە وێنەی لەگەڵ مام جەلال دا هەبووە و هەیە و ڕاستبێتەوەو چیرۆكی بۆنەو كات و شوێنی هۆكاری وێنەگرتنەكەی لەگەڵ مامی رەحمەتی دا بگێرێتەوە و بینوسێتەوە وبڵاوی كاتەوە، رووپەڕی زۆربەی رۆژنامەكان و گۆڤارەكان وسایتەكانیش بەش نەكەن، چونكی مام لەسەرەتایی لاویتیەوە بەهۆی كوردایەتی و لێهاتووییەوە ناو بانگی هەبووە و لەهەموو ئاستێك و لەگەڵ زۆربەی چین و توێژەكان وێنەی هەیەو تا دەگاتە دوا ساتەكانی ژیانی رەنگە بەهەزاران هەزار وێنەی هەبێ لە هەموو ناوچەكانی كوردستان و وڵاتانی هەرێمی و دونیاش بەگشتی.
بەڵام لەگەڵ ئەوڕاستیەشدا هەندێ وێنە هەن چیرۆكی خۆیان هەیە لەگەڵ مام و وادەكەن كە مرۆ لەخوێندنەوەی چیرۆكەكاندا زیاتر پەرۆشی مامی بۆ گەلێ بوارو لایەن بۆدەركەوێ.
با بەكورتی و بەكوردی بێمە سەر حیكایەتی ئەم وێنەیەی مام لەگەڵ مندا.
بەبۆنەی ئەوەی كە قوتابخانەی سەرەتایی شیرینی كچان لەكۆیە كە بەرێوەبەرەكەی مامۆستا گولیزار شەفیق ئاغای حەوێزی بوو، ماوەی 30سی ساڵ رێژەی دەرچوونی سەدلەسەدبوو، من بابەتێكم لەرۆژنامەی كوردستانی نوێ دا بڵاووكردەوە.دوای بەڵاووبوونەوەی بابەتەكە دیارە مام هەموو رۆژانە رۆژنامەی كوردستانی نوێی دەخوێندەوە و ئەو بابەتەی من سەرنجی راكێشابوو كەلەدوالاپەرە بڵاوكرابۆوە بۆیە دوای كردبوو دەستەی بەرێوەبەرو مامۆستایانی قوتابخانەكە و مامۆستا بەكر موستەفا پارێزگاری هەولێر / كۆیە و بەرێوەبەری پەروەردەی هەولێر / كۆیە كە ئەوكات مامۆستا جەمیل عیسابوو لەگەڵ لێپرسراوی مەڵبەندی رێكخستنی كۆیەی یەكێتی كە ئەوكات شەهیدخەسرەو شێرە بوو بیان بێنێ و ئەوانیش رۆیشتنە سلێمانی و مام داواتی كردبوون و رێزی لەبەرێوەبەرو مامۆستایانی قوتابخانەی شیرین نابوو و هەندێ كەل و پەل وئامێری پێویستیشی بۆدابینكردبوون و زۆردەستخۆشی لێكردبوون و وەك وەك من لەنوسینەكەدا لەسەرزاری بەرێوەبەری قۆتابخانەكە داوامكردبوو كە هەقی ئەوەیان هەیە بینای قوتابخانەیەكی نمونەیان بۆدروستبكرێ، مام لایەنەكانی راسپاردبوو ئەوپرۆژەیەش بكەن و سڵاویشی بۆبەندەناردبوە بەوەی كە وەك رۆژنامەنوسێك ئەركی خۆمم جێ بەجێكردووە.
دوای چوار ساڵیتر دیسان قوتابخانەكە لەسەر رێژەی دەرچوونی سەد لەسەدی خۆی بەردەوام بوو و هێشتاش بیناكەی بۆتەواو نەكرابوو، بۆیەبەندەجارێكیترو هەرلەرۆژنامەی كوردستانی نوێ دا هەم هەواڵی بەردەوامی رێژەی سەدی دەرچونی قوتابیانی قوتابخانەی شیرینی كچان لەكۆیەو هەم دڵسۆزی بەرێوەبەری قوتابخانەكەو هەمیش بابەتی بیناكەم لێكدا و لەدوا لاپەرەدا بڵاوكراییەوە.
ئەمجارەشیان مام بابەتەكە هەواڵەكە سەرنجی راكێشاو خۆی دیسان سەرباری هەمووئەركەكانی بەدواداچوونی بۆكرد و ئەوجارەیان خۆی هاتە كۆیە لە ئوتێلی كۆیە پالاس خۆی بەئامادەبوونی ژماریەك لە لێپرسراوانی حزبی و حكومی سنورەكە، پێشوازی لەدەستەی قوتابخانەی شیرینكردو لەگەڵیشدا چەندقوتابی زیرەكی كۆیەی خەڵاتكرد و بەهەمان شێوەش دەستخۆشی لەبەندەكرد و پێی راگەیاندم كە لەسەر ئەو شێوازەی كاری رۆژنامەنووسیە بەردەوام بم نانی نیوەرۆمان پێكوە خوارد وچەند وێنەیكمان گرت.دیارە من دەیانجار لەگەل مام بوومە و زۆرجاریش قسەوباسمانبووە چ لەبواری راگەیاندن یان بواری سیاسی و بەتایبەتی ئەوكاتەی كە بەندە لێپرسراوی هۆبەی راگەیاندن بووم لە دیوانی پارێزگای هەولێر / كۆیە كە مام زۆردەهاتە سەردانی ئەو دامەزراەوەیە دەهاتە سنوری كۆیەو جاری وابو هەفتەیەك دەمایەوە ئێمە بەردوام لەنزیكیی بوون بۆ هەواڵی مام بەسەركردنەوەكانی، بەڵام
ئەوەی حیكایەتی ئو وێنەیە جیادەكاتەوە ئەوەیە: یەكەم مام سەرباری كاری زۆری خۆی رۆژانە رۆژنامەكانی خوێندۆتەوە بەتایبەتی كوردستانی نوێ.دووەم مام مشوری هەموو كەرەتەكانی دەخوارد لەنێویشیاندا پەروەردە. سێ یەم مام خۆی بەدواداچوونی دەكرد و مەیدانی دەرۆیشتە جێی پێویست.چوارەم مام لەسادەیی خۆیادا دەهاتە كۆیە لەنزیكەوە خەڵكەكەی دەبینی و قوتابیەكانی هاندەداو نانی لەگەڵ خواردن و وێنەی لەگەڵ دەگرتن.پێنجەم مام بۆكاری باشی رۆژنامەنووس هاندان ودەستخشی هەبوو ,بۆیە پێموایەحیكایەتی ئەو وێنەیەش مەلۆدەخاتە سەرخەرمان بەرەكەتی مام لەزۆركایەدا.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

جه‌له‌مۆرد.. نیشتمانی‌ منداڵه‌ ئه‌نفالكراوه‌كان

ئا: بارام سوبحی‌ تاڵه‌بانی‌ گوندی‌ جه‌له‌مۆرد سه‌ر به‌ ناحیه‌ی‌ ئاغجه‌له‌ره‌، ...