سەرەکی » وتار » رەهبەر سەید برایم » من كوردم كورد

خەندەی خەبات

من كوردم كورد

نزار خەیلانی نووسەرو شاعیر، لەڕێكخستنی (ی. ن. ك) بوو كەوتە ئەڵمانیا، لەوێش هەر كاری ڕێكخستنی دەكرد، لە ئەوروپا لەگەڵ كچێكی ئەڵمانی یەكتریان خۆشدەوێ‌ و حەز لە یەكتر دەكەن، بەڵام دەستگیرانەكەی نزار خەیلانی كچە ئەڵمانییەكە لە خێزانێكی نازی بوو، ناوی (گیزلا) بوو، بەنزار خەیلانی دەڵێت: ماڵەوە ڕازی نابن شوو بە بێگانە بكەم، بۆیە نزار خەیلانی دەڵێت خۆم قسە لەگەڵ دایكت دەكەم، وەختێك دادەنێن لە شاری (بۆن)، ساڵی 1984 نزار خەیلانی دەچێتە لایان و ڕوو لە دایكی (گیزلا) دەكات كە ناوی (كۆرنیڵیا) بوو دەڵێت: بۆ (گیزلا) شووم پێنەكات، (كۆرنیڵیا)ی دایكی كچەكە دەڵێت: ئێمە كچ نادەین بە بێگانە، نزار خەیلانیش (گیزلا)ی خۆشدەوێت و زۆر بەحەماسەتەوە دەڵێت: خۆ من عەرەب نیم، تورك نیم، فارس نیم، من كوردم كورد، (كۆرنیڵیا) دایكی (گیزلا) دەڵێت: ئاخر كێشەكە لەوەدایە كە كوردی! عەرەب و تورك و فارس چییانە، ئەوانە دەوڵەتیان هەیە، ئاڵاو سەربەخۆیی خۆیان هەیە، بەڵام كورد چییە نە ئاڵای هەیە نە دەوڵەت!! سەرەنجام نزار خەیلانی و گیزلا بۆ یەك بوون و بوونە هاوسەری یەك و سێ‌ منداڵیان هەیە بە ناوی (شۆڕش + سارا + كاردۆ)، (كۆرنیڵیا) ش خەسوویەتی!!!.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*