سەرەکی » هەواڵ » سەعدی پیرە: رۆڵی پارێزەران مایەی بەرزنرخاندنە

سەعدی پیرە: رۆڵی پارێزەران مایەی بەرزنرخاندنە

دوێنێ، سەعدی ئەحمەد پیرە ئەندامی مەكتەبی سیاسی، سەردانی سەندیكای پارێزەرانی كوردستانی كرد‌و لەلایەن بەختیار حەیدەر سەرۆكی سەندیكای پارێزەران‌و ئەندامانی ئەنجومەنی سەندیكاوە پێشوازیكرا.
لەدیدارەكەدا، باس لەڕەوشی سیاسی‌و یاسایی لەهەرێمی كوردستان‌و عیراقدا كرا، لەوبارەیەشەوە سەعدی پیرە، رۆڵی پارێزەران‌و سەندیكای پارێزەرانی بەرزنرخاند لەنێو كۆمەڵگە‌و پشتگیریی‌و هاوكاریی بۆ دووپاتكردنەوە.

بەشداریكردن لەپرسەی بەیان كەریم ئەحمەد
هەر دوێنێ لەهەولێر، د.ئەرسەلان بایز‌و سەعدی ئەحمەد پیرە ئەندامانی مەكتەبی سیاسی، بەشدارییانكرد لەپرسەی كۆچكردوو خاتوو بەیان، كچی نووسەر‌و سیاسەتمەداری گەلەكەمان (كەریم ئەحمەد).
لەمیانی بەشداریكردنیان لەپرسەكەدا، د.ئەرسەلان بایز‌و سەعدی پیرە، پرسەو سەرەخۆشی‌و هاوخەمیی خۆیانیان ئاراستەی كەسوكاری خوالێخۆشبوو كردو هیوایانخواست ئەمە دواكۆست‌و ناخۆشیی بنەماڵە تێكۆشەرەكەیان بێت‌و خوای گەورە سەبوورییان بدات‌و كۆچكردووش بەبەهەشتی بەرینی خۆی شادبكات.

سەرەخۆشی
بەداخ‌و پەژارەیەكی زۆرەوە هەواڵی كۆچی دوایی خاتوو (بەیان) كچی سیاسەتمەدار‌و نووسەر‌و تێكۆشەری دیاری گەلەكەمان مامۆستا كەریم ئەحمەد-م بیست، هەواڵێكی دڵتەزێن بوو، لەناخەوە هەژاندمی.
خاتوو بەیان، بەهۆی ئەوە‌ی لەخانەوادەیەكی شۆڕشگێڕ‌و نیشتمانپەروەری گەلەكەمان بەبیروباوەڕی نیشتمانی‌و نەتەوایەتی گۆشكرابوو، هاوشێوەی باوك‌و كەسوكار‌ی، قۆناغەكانی تەمەنی‌و وێستگەكانی ژیانی پڕبوون لەچالاكی سیاسی‌و دیپلۆماسی‌و خەباتی رێكخستنی نهێنی‌و ئاشكرا دژ بەڕژێمە یەك لەدوای یەكەكانی عیراق. هاوشان تێدەكۆشا بۆ نەهێشتنی جیاوازیی چینایەتی‌و یەكسانی‌و دادپەروەری كۆمەڵایەتی، بۆیە بەیەكێك لەئەستێرە گەشەكانی خەباتگێڕە ژنەكانی كوردستان‌و عیراق دەژمێردرێت‌و مێژوویەكی پڕ لەشانازیی تێكۆشان‌و خەباتی تۆماركرد. لەپاڵ خەباتی سیاسی‌و چەكداری، خاتوو بەیان، قەڵەمێكی بەبڕشت‌و دیار‌و كارامەی نێو كاروانی ئەدەب‌و رۆشنبیری بوو، شیعر‌و هۆنراوە‌و وتارەكانی بەهەردوو زمانی كوردی‌و عەرەبی جێگای سەرنج‌و بایەخی خوێنەران بوو.
جارێكی تر هاوخەمیی خۆم بەمامۆستا كەریم ئەحمەد‌و سەرجەم كەسوكار‌و خزمان‌و دۆستانی كۆچكردوو رادەگەیەنم، لەخوای گەورە دەپاڕێینەوە گیانی خوالێخۆشبوو بەبەهەشتی خۆی شادبكات‌و سەبووریی‌و ئارامییش بەهەموولایەكمان ببەخشێت.
سەعدی ئەحمەد پیرە
ئەندامی مەكتەبی سیاسیی (ی.ن.ك)

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

سەرۆك كۆمار: پاراستنی ئاسایش ‌و سەقامگیریی لە عیراق و ناوچەكەدا

دوێنێ، د.بەرهەم ساڵح سەرۆك كۆمار، پێشوازیكرد لە دێڤد شینكەر یاریدەدەری ...