سەرەکی » ئاراستە » شەهید شێرۆ و رووبەڕووبوونەوە لەگەڵ سێ هەلیكۆپتەردا

شەهید شێرۆ و رووبەڕووبوونەوە لەگەڵ سێ هەلیكۆپتەردا

حه‌یده‌ر مه‌نتك

بیركردنەوە لە رابردووی شەهیدە نەمرەكانمان، بیركردنەوە لە سوتانی پێنج هەزار گوندی سوتماك و لە 182 هەزار كەسی ئەنفالكراو، ئەو هەموو بیركردنەوانە سەرئەنجام بۆ رزگاربوون و فەراهەمكردنی ئازادییەكانی گەلی كوردبوون، ئەوهەموو قوربانی و خەباتكردنە لە پێناو هێنانەدی حكومەتێكی خۆماڵی كوردی بوو، تەنها ئەوەندە دەڵێم ئەگەر شەهیدان دەیانزانی هەندێك لە سەركردەكانی كورد بیركردنەوەیان بۆ حكومڕانی و شێوازی بەڕێوەبردنی وڵاتیان ئەوهایە و ئاواش كەمتەرخەمن بەرامبەر خانەوادەی شەهیدان و زیندانی و كەمئەندامان و فەرمانبەران و تەواوی وڵات، دەبێ‌ چ هەڵوێستێكیان بوایە؟!.
بەداخەوە، نەدەبوو كوردستانی سەردەمی دەسەڵاتی كورد خۆی، ئاوابێت و خەون و خولیاكانی رابردوو، بەهاجوانەكانی سەردەمی خەبات و قوربانیدان نەدەبوو ئاوای بەسەر بێت.
شەهید شێرۆی مروور یەكێكبووە لەو پێشمەرگانەی هەمیشە لە چالاكییەكاندا ژیانی خۆی لامەبەست نەبوو، ئەوەی بەلایەوە گرنگ بوو بەسزاگەیاندنی پیاوانی بەعس بوو، تا خەونەكانی كورد وەدیبێن.
شەهید عوسمان محەمەد سڵێمان محەمەد كە ناسراوە بە شێرۆی مرور، لەماوەی ژیانی پێشمەرگایەتییدا زۆرترین كاتەكانی لەناو هەولێربوو بۆ دەستوەشاندن لە سیخوڕو ئەوجاشانەی ئێستا لەم حكومەتەدا كاربەدەستن و سەرشانیان وەكو جاران پڕە لە نەجمەی زەردوو سپی.
درود بۆگیانی شەهید شێرۆی مرورو تێكرای شەهیدانی كوردستان سەرشۆڕی بۆ جاشە خۆفرۆشەكانی ئەوێ‌ رۆژێ‌.
ژیاننامەكەی
شەهید عوسمان محەمەد سڵێمان محەمەد ناسراو بە شێرۆی مروور، لەدایكبووی ساڵی 1963ی گوندی (بیرەجنە)ی ناحیەی قوشتەپەی پارێزگای هەولێر، دەرچووی قۆناغی ناوەندییە.
ساڵی 1983 پەیوەندیكردووە بە هێزی پێشمەرگەی كوردستانەوە و لە كەرتی 3ی تیپی 85ی بەڕانەتی چەكی شەرەفی كردۆتە شان، لە ژیانی پێشمەرگایەتییدا بەشداریی دەیان شەڕو چالاكی ناو شاری كردووە.
رۆژی 28/ 5/ 1987 لەكاتێكدا لەگەڵ دوو هاوڕێی بەناوەكانی (یاسین پیرداود و رەمەزان عەلی تەرجانی) لە سنووری گوندەكانی (نۆغەران و دێرێ‌) دەبن، سێ‌ هەلیكۆپتەر هێرشێكی كتوپڕ دەكاتە سەریان و لە ئەنجامدا هەرسێكیان شەهید دەكرێن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*