سەرەکی » وەرزش » داوەری یاری كلاسیكۆ دیاریكراپەڕە 2

داوەری یاری كلاسیكۆ دیاریكرا

دەستەی یانەكانی خولی ئیسپانیا رایگەیاند هێرناندێز هێرناندێزی راهێنەری دیاری بۆ بەڕێوەبردنی یاری كلاسیكۆ دیاری كردوە كە وابڕیارە رۆژی 18ی ئەم مانگە لە یاریگای كامپ نو بكرێت.
بارسێلۆنا لەیارییەكی دواخراو رۆژی 18ی ئەم مانگە میوانداری ریاڵ مەدرید دەكات و دەستەی داوەرانی خولی ئیسپانیاش هێرناندێزی بۆ ئەو یارییە دیاری كردوەو دی بۆرگۆسیش وەكو داوەری ڤار ئامادە دەبێت.
ئەم داوەرە یەكێكە لە باشترین داوەرەكانی ئیسپانیا بەهۆی ئەمەش لەماوەی رابردوو 4 جار ئەركی بەڕێوەبردنی یاری كلاسیكۆی پێدراوەو لەو یارییەش 2 جار بارسا براوە بووەو یارییەك بەیەكسانبوون و یارییەكیش بە بردنەوەی ریاڵ مەدرید كۆتایی هاتوە.
هێرناندێز وەرزی رابردوو یەكێك بوو لە داوەرانی كلاسیكۆی كامپ نو كە 5-1 بە سوودی بارسا كۆتایی هات بەڵام سەرەكی نەبوو، بۆ یاری گەڕانەوەش بە داوەری سەرەكی دانرا بەڵام بەهۆی پێكان نەیتوانی یارییەكە بەڕێوەببات.
ئەم داوەرە لەلایەن هاندەرانی هەردوو یانەی ریاڵ مەدرید و بارسا زۆرترین رەخنەی لێدەگیرێت بەهۆی ئەوەی لەپیشوودا رەتیكردۆتەوە بەرامبەر بیتیس گۆڵێك بۆ بارسا هەژماربكات لەكاتێكدا تۆپەكە 50 سانتیمەتر لەنێو گۆلەكە بووە، لەبەرامبەردا بەهۆی كردنە دەرەوەی رامۆس لە یارییەكی كلاسیكۆ و هەژمارنەكردنی فاوڵیك لەسەر ڤاران لەلایەن سوارێزەوە لەلایەن هاندەرانی ریاڵیش رەخنەی لێدەگیرێت.
دیارترین ئەو یارییانەشی ئەم داوەر بەڕێوەی بردووە كلاسیكۆی 3 بە 2 بوو كە بارسا سەركەوتنی تۆماركرد.

print

 129 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*