سەرەکی » ئابووری » 2018 ساڵێكی پڕ قەیران دەبێت

2018 ساڵێكی پڕ قەیران دەبێت

لەگەڵ ئەوەی ساڵی ٢٠١٧ بە یەكێك لەساڵە پڕ قەیرانەكان دادەنرێت كە تیایدا چەندین رووداوی بەدوای خۆیدا هێنا، چاوەڕوان دەكرێت ساڵی ٢٠١٨ش هاوشێوەی ساڵی ٢٠١٧ كێشە و قەیرانەكان بەردەوام بن.
دامەزراوەی (ئەكابس) بۆ توێژینەوە كە بارەگاكەی لە ژنێفە لە راپۆرتێكدا ئاشكرایكردووە، ساڵی ٢٠١٨ جەنگ و برسێتی و تیرۆر لەچەند ناوچەیەكی جیهان بەردەوام دەبێت و قەیرانی مرۆیش روو بەزیاد بوون دەكات.
دامەزراوەكە راپۆرتێكی بەناوی چاوپیاخشاندنی گشتی بۆ رەوشی مرۆیی جیهان بڵاوكردۆتەوە و لێكۆڵینەوەی بۆ ١٥٠ وڵاتی جیهان ئەنجامداوە و بۆی دەركەوتووە رەوشی جیهان لەساڵی ٢٠١٨ لە ساڵی ٢٠١٧ باشتر نابێت.
بەپێی راپۆرتی دامەزراوەكە، ساڵی داهاتوو لەگەڵ بەردەوامی شەری ناوخۆ لە ئەفریقا، توندوتیژی و تیرۆر قەیرانی مرۆیی لەسەرانسەری جیهان زیاتر دەبێت، لەچەند ناوچەكیش شەڕو پێكدادان سەر هەڵدەدات.
لارس پیتەر نیسن بەڕێوەبەری دامەزراوەكەش رایگەیاندووە، ٢٠١٧ ساڵێكی خراپ بووە بۆ جیهان، پێشبینی دەكرێت ساڵی داهاتوو لە ئەمساڵ باشتر نەبێت، بەتایبەت ساڵی داهاتوو توندوتیژی و نەبوونی ئاسایش هەریەكە لە ئەفغانستان و كۆماری كۆنگۆی دیموكرات و لیبیا و ئەسیوبیا و مالی و سۆماڵ و سوریا دەگرێتەوە.
بەپێی راپۆرتی دامەزراوەی (ئەكابس)، ساڵی داهاتوو ئەسیوبیا رووبەڕووی برسێتی گەورە دەبێتەوە، هەروەها باكووری خۆرهەڵاتی نەیجیریا و سۆماڵ و باشووری سودان و یەمەنیش برسێتی تەنگیان پێ هەڵدەچنێ.
دامەزارەوەكە هۆشداریشی داوە لە بڵاوبوونەوەی برسێتی لەجیهاندا و رایگەیاندووە، ساڵی داهاتوو ٧٦ ملیۆن كەس لە ٤٥ وڵات پێویستیان بەهاوكاری مرۆیی دەبێت و ئەوەش بەهۆی شەڕو ململانێكانەوە لە جیهاندا. ئاماژەش بەوەكراوە ساڵی داهاتوو هەڵبژاردنەكان لە ئەفغانستان و عیراق و لیبیا و باشووری سودان و فەنزوێلا نابێتە هۆی سەقامگیری لەو وڵاتانە، بەڵكو ئاڵۆزییەكان زیاتر دەكات و بەهۆی بونی پەلاماری تیرۆریستیشەوە ژمارەیەكی زۆر هاووڵاتی گیان لەدەست دەدەن.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*

x

هەواڵێ هاوشێوە

(%32) كاره‌كانی پڕۆژەی سایلۆی كه‌لار ته‌واو بووه‌

یەکەی ئابووری جێگری سەرپەرشتیاری ئیدارەی گەرمیان، پڕۆژەی سایلۆی کەلاری بەسەرکردەوە. ...