سەرەکی » کەلتوور » رۆمان هونەری تەکنیکە جوانەکان

رۆمان هونەری تەکنیکە جوانەکان

لە رۆژانی رابردوودا دوا کتێبی نووسەر و وەرگێڕ عەلی عوسمان یەعقوب لە لایەن دەزگای چاپ و پەخشی سەردەم بڵاوکرایەوە، نووسەر لە لێدوانێکدا بۆ دوا لاپەڕەی کوردستانی نوێ‌ سەبارەت بە بەرهەمەکەی وتی: کتێبی «ڕۆمان: ژانری ته‌کنیکه‌ جوانه‌کان و ڕه‌گه‌زه‌ فره‌ڕه‌هه‌نده‌کان»پێداچوونه‌وه‌یه‌ به‌ دونیای ڕۆمان، هه‌ر له‌ سه‌ره‌تای په‌یدابوونیه‌وه‌، هه‌روه‌ها ئه‌و ته‌کنیك و بابه‌ته‌ فره‌ڕه‌هه‌ندانه‌ی تا ئه‌مڕۆ له‌ ڕۆمانی جیهانیدا بوونه‌ته‌ جێگه‌ی سه‌رنج. کتێبه‌که‌ ئاماژه‌ به‌ چه‌ندان ڕاو بۆچوونی ڕه‌خنه‌گره‌ به‌ناوبانگه‌کان و چه‌ندان ده‌قی ڕۆمان ده‌کا‌. هه‌ڵبه‌ت ئه‌مه‌ به‌رگی یه‌که‌مه‌ و ئه‌و بابه‌تانه‌ی له‌خۆی ده‌گرێ، بریتین له‌ سه‌ره‌تا و پێناسه‌ی ڕۆمان و ئاڵۆزییه‌کانی ئه‌م بابه‌ته‌، هونه‌ری گێڕانه‌وه‌ و ئاسته‌کانی و ته‌کنیکه‌ جیاجیاکانی گێڕانه‌وه‌‌، ڕیالیزم، وه‌کوو ڕێبازێك بۆ پشکنینی دیوه‌ شاراوه‌کانی واقیع، هه‌روه‌ها ڕیالیزمی ئه‌فسوونگه‌را، وه‌کو بینینێکی وردی واقیع و داهێنانێکی ورتر له‌ ڕۆماندا. ئەم بەرگە ٤٢١ لاپەڕەیە، هیوادارم بەرگەکەی تریش بەم زووانە چاپ و بڵاوبکرێتەوە.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*