سەرەکی » وەرزش » یاریی كۆتایی یۆرۆی تۆپی دەست دەكەن

ئیسپانیا و كرواتیا

یاریی كۆتایی یۆرۆی تۆپی دەست دەكەن

رۆژی دووشەممە یارییەكانی یۆرۆی تۆپی دەست كۆتایی دێت كە هەردوو وڵاتی سوید و نەرویژ بە هاوبەشی میوانداریان كرد و یاری كۆتاییش لە نێوان هەردوو هەڵبژاردەی ئیسپانیای پاڵەوانی پێشو و هەڵبژاردەی كرواتیا دەبێت.
یۆرۆی تۆپی دەست هەموو 2 ساڵ جارێك بەڕێوەدەچێت و پاڵاوتنیشە بۆ ئۆڵۆمپیادی 2020ی تۆكیۆ یاری كۆتایش لەنێوان باشترین 2 هەڵبژاردەی پاڵەوانێتییەكە دەبێت كە تا ئێستا هیچ یارییەكیان لە پاڵەوانێتییەكە نەدۆڕاندوە.
شێوازی پاڵەوانێتییەكەش بە جۆرێكە كە سەرەتا هەڵبژاردە بەشدارەكان دەكرێن بە 6 كۆمەڵەی چوار تیپی و لە هەر كۆمەڵەكیش 2 تیپ سەركەوتن بۆ قۆناغی سەرەكی و لەو قۆناغەشدا هەڵبژاردە بەشدارەكان كران بە دوو كۆمەڵەی 6 تیپی و هەریەك و چوار یاری كرد لە ئەنجامیشدا هەردوو هەڵبژاردەی ئیسپانیا و كرواتیا لە كۆمەڵەی یەكەم و نەوریژ و سلۆڤینیاش لە كۆمەڵەی دووەم گەیشتنە قۆناغی پێش كۆتایی.
لە قۆناغی پێش كۆتاییشدا ئیسپانیا بە زەحمەت و بەجیاوازی 2 گۆڵ (34-32) لە هەڵبژاردەی سلۆڤینیای بردەوەو هەڵبژاردەی كرواتیاش توانی بە 29 گۆڵ بەرامبەر بە 28 گۆڵ هەڵبژاردەی نەرویژی خانەخوێ دووچاری شكست بكات.
یاریی كۆتاییش لە شاری ستۆكۆڵم دەبێت و دووبارە كردنەوەی یاری نێوان هەردوو هەڵبژاردە دەبێت لە قۆناغی سەرەكی كە بە 22 گۆڵ یەكسانبوون.

print

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*