سەرەکی » وەرزش » خەڵاتی مەزنی قەتەر لە مۆتۆ جی پی هەڵوەشێنرایەوەو تایلەندیش دواخرا

خەڵاتی مەزنی قەتەر لە مۆتۆ جی پی هەڵوەشێنرایەوەو تایلەندیش دواخرا

خەڵاتی مەزنی قەتەر كە قۆناغی یەكەمی پاڵەوانێتی جیهانی مۆتۆ جی پی جیهانە هەڵوەشێنرایەوە ئەمەش بەهۆی كاریگەری ڤایرۆسی كۆرۆنا كە قەتەر رێگە نادات هیچ كەسێك لە ئیتاڵیاوە گەشت بۆ وڵاتەكەی بكات بەهۆی ئەمەش چەندین ماتۆڕسواری ئیتاڵی بێ بەش دەبن.
یەكێتی نێودەوڵەتی پاڵەوانێتییەكانی ماتۆڕسواری دوپاتی كردەوە كە تەنها قۆناغی قەتەری مۆتۆ جی پی هەڵوەشێنراوەتەوەو ركابەری مۆتۆ 2 و مۆتۆ 3 لە وادەی خۆی لە گۆڕەپانی لۆسیل دەكرێت ئەمەش بەهۆی ئەوەی ماوەی هەفتەیەك زیاترە ماتۆڕسواران گەشتیان بۆ قەتەر كردوە.
یەكێتییەكە لە بەیاننامەیەكدا ئاماژەی بەوە داوە بەهۆی ئەوەی قەتەر گەشتی فڕۆكەوانی لە ئیاڵیاوە بۆ وڵاتەكەی قەدەغە كردوە ماتۆڕسوارانی مۆتۆ جی پی بەشداری ئەم قۆناغە ناكەن و لە ئێستاشدا هەر كەسێك لە ئیتاڵیاوە گەشت بكات بۆ دۆحە دەبێت بۆ ماوەی 14 رۆژ لەژێر چاودێری پزیشكی دابێت.
یەكێتییەكە ئاماژەی بەوەشداوە كە ئیتاڵیا رۆڵێكی گەورەی لە مۆتۆ جی پی هەیە بۆیە بڕیاردا ئەم قۆناغەی مۆتۆ جی پی هەڵوەشێنرێتەوە بەتایبەت كە ئیتاڵیا هەردوو تیپی دۆكاتی و ئیبرلیای هەیەو چەندین ماتۆڕسواری بەناوبانگیشی هەیەلەنێویاندا ئەندریا دۆڤیتسیۆزۆ و ڤالنتینۆ رۆسی.
دوای هەڵوەشاندنەوەی قۆناغی قەتەریش یەكێتییەكە بڕیاری دا قۆناغی تایلەند كە وابڕیاربوو رۆژی 22ی ئەم مانگە بكرێت داوبخات كە بۆ كاتێكی نادیار.

print

 11 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*