سەرەکی » وەرزش » لە ئیسپانیا قۆناغێكی نوێی راهێنان دەستیپێكرد

لە ئیسپانیا قۆناغێكی نوێی راهێنان دەستیپێكرد

لە رۆژی دووشەممەوە قۆناغی دووەمی راهێنان لە ئیسپانیا دەستیپێكرد كە راهێنان كردنە بە كۆمەڵەی بچوك بچوك.

دوای ئەوەی دەستەی خولی ئیسپانیا بە یانەكانی راگەیاند كە لە رۆژی دووشەمەوە دەتوانن بە كۆمەڵی بچوك بچوك راهێنان بكەن یانەكانی ئەو خولە دەستیان بەو راهێنانەكرد كە نابێت ژمارەی یاریزانانی هەر كۆمەڵەیەك بگاتە 10 یاریزان.

سەرەتای ئەم مانگە دوای وەستان بۆ نزیكەی 2 مانگ یانەكانی ئیسپانیا گەڕانەوە بۆ راهێنان كە یاریزانان بەتەنهاو دوور لەیەكتر راهێنانیان دەكرد.

وەكو پێشتریش رایانگەیاندبوو راهێنان لە ئیسپانیا بە 3 قۆناغ دەبێت كە قۆناغی یەكەم راهێنانی تاكەو قۆناغی دووەمی راهێنانی كۆمەڵەی بچوك بچوكەو سێیەم قۆناغیش كە لەماوەی داهاتوو دەبێت راهینانی بە كۆمەڵی ئاسایی دەبێت.

خافێر تیباسی سەرۆكی دەستەی لا لیگاش ئاماژەی بەوە داوە كە ئامانجیانە رۆژی 12/6 خولی ئیسپانیا دەست پێبكەنەوە بۆ ئەو مەبەستەش هەوڵ دەدەن بە زووترین كات رێگە بە راهێنانی بە كۆمەڵ بدەن.

ئەم قۆناغەش بە هیوایەكی گەورە دادەنرێت بۆ ئەوەی خولەكە دەست پێبكاتەوە بەتایبەت كە چەند رۆژێك بەر لە ئێستا دەستەی خولی ئیسپانیا و یەكێتی تۆپی پێی ئەو وڵاتە كۆتاییان بە ناكۆكی نێوانیان هێناو رێككەوتنێكیان ئیمزا كرد، بەپێی ئەو رێككەوتنەش خولی ئیسپانیا لە مانگی داهاتووەوە دەكرێت لە هەموو رۆژەكانی هەفتە بكرێت، بەمەش پلانی دەستەكە دەتوانرێت جێ بەجێ بكرێت كە دەیەوێت هەموو 72 سەعات جارێك جەولەیەكی خولەكە بەڕێوەبچێت.

print

 313 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*