سەرەکی » مانشێت » ((خەباتی مافەكان)) لە لامەركەزیەتی ئیداری و دارییەوە دەست پێدەكات

نوێ و نوێبوونەوە

((خەباتی مافەكان)) لە لامەركەزیەتی ئیداری و دارییەوە دەست پێدەكات

بەشی بەدواداچوون و چاودێری

4

پەیامی پیرۆزبایی سەركردایەتی یەكێتیی نیشتمانیی كوردستان سێ ئاستی جۆشدانەوەی خەباتی سیاسی لە قۆناغی نوێبوونەوە دیاریكردووە.

-ئاستێكیان هەر تێكۆشەرێك كە دەخوازێ لە ریزەكانی یەكێتی خەبات بۆ ئامانجەكانی یەكێتی بكات، بۆ ئەمە دەرگای یەكێتی كراوە یە.

-ئاستی دووەمیان هەر حزب و هێزو بزووتنەوەیەكی سیاسیی كە لەم ئامانجانەدا ئامادەیی هاوكاری و دۆستایەتی بێت لەگەڵ یەكێتی، بۆ ئەمە یەكێتی دەست دەخاتە ناو دەستیان.

-ئاستی سێیەم (خەباتی مافەكان)، كە لەمەدا هەموو ئەو سەندیكاو كۆمەڵەو رێكخراوانەی كۆمەڵی مەدەنی و هەموو ئاڕاستەو رەوتە سیاسییە دەربەستەكان دەتوانن بەشداربن.

بنەمای پتەوی یەكێتی بۆ ئەم سیاسەتە تازەیەی كە ئەم سێ ئاستەی بۆ بانگهێشت كردووە،‌ بنەماكانی سۆشیال دیموكراتە كە یەكێتی پێی ئاشنایە و دوو دەیەیە كادیری خۆی پێ گۆش دەكات و كاتێتی بە كردەوە كاری بۆ بكات.

قۆناغی نوێبوونەوە لەم بەیاننامەیەی سەرۆكایەتییەوە نەخشەڕێگا بۆ دەستێكی ئەم سیاسەتەی خۆی دا دەنێت، كە ئەویش لامەركەزێتی ئیدارەیی و داراییە بە پاراستنی قەوارەی هەرێمی كوردستان، بۆ دەرخستنی نیەتی جددی یەكێتیش ڕاگەیەندراوەكە دەگەڕێتەوە بۆ بنەمای رێككەوتنی سیاسی لەگەڵ پارتی لە پێكهێنانی كابینەی نۆیەمی حكومەتی هەرێمدا. بەمە یەكێتی وەك لە چەند ئاستێكەوە قفڵی ئەم سیاسەتە نوێیەی مەحكەم دەكات، شەرعیەتی رێككەوتنیشی بۆ دووپاتدەكاتەوە تا دەستوورێكی گەل پەسەندو یاسایەكی نوێی هەڵبژاردن دێتەكایەوە. چونكە ناشكرێ تا ئەوكات هیچ بژاردەیەكی سیاسی لە ئارادا نەبێت بۆ چاككردنی گوزەران و ژیانی خەڵك و گێڕانەوەی هاوسەنگییەكی سیاسی كارا كە ڕێگربێت لە بەردەم چاوچنۆكی سیاسی و قۆرخی جیاجیادا.

راگەیەنراوەكە بەم هەموو ئاستانەی دەوری خۆی پێداون بۆ سیاسەتێكی میللەیی رایدەگەیەنێت سەركردایەتی یەكێتی لەم ئامانجەشدا بەتەنها نییە، بەڵكو یەكێتییەكانیشی لەگەڵدایە.

print

 297 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*