سەرەکی » زانست » پسپۆڕێكی هیندی:بەم زوانە ڤاكسینی كۆرۆنا ناگاتە هەموو جیهان

پسپۆڕێكی هیندی:بەم زوانە ڤاكسینی كۆرۆنا ناگاتە هەموو جیهان

پسپۆرێك دەڵێت پێشبینی دەكرێت چەند ساڵێكی تر هەموو جیهان ڤاكسینی كۆرۆنایان پێبگات.

(ئادار بۆنوالا) سەرۆكی جێبەجێكاری كۆمپانیای ڤاكسین لە هیند كە یەكێكە لە كۆمپانیا گەورەكانی دروستكردنی ڤاكسین لەجیهاندا دەڵێت»چاوەڕوان دەكرێت تا سێ ساڵی تر ڤاكسینی كۆرۆنا نەگاتە هەموو وڵاتانی جیهان».

ئەو لێپرسراوە ئەوەش دەخاتەڕوو لەگەڵ ئەوەی جیهان چاوەڕێی هەواڵی خۆشە سەبارەت بەدروستكردنی ڤاكسینەكان، بەڵام هیچ كۆمپانیایەكی ڤاكسین نەگەیشتووەتە بەرهەمهێنانی ڤاكسینێكی وا كە جێگەی دڵخۆشیی بێت».

ئەودەشڵێت»كۆمپانیاكەی ئێمە پابەندە بەوەی هەركات ڤاكسینێك لە هەموو تاقیكردنەوەكاندا سەركەوتوو بوو، یەك ملیار دانەی لێ بەرهەم بهێنێت، بەڵام جیهان پێویستی بە (١٥) ملیار ڤاكسینەو ئەوەش پێویستی بە (٣- ٥)ساڵە بۆ ئەوەی هەموو دانیشتوانی جیهان بەو ڤاكسینە بكوترێن».

ئێستا كۆمپانیاكانی دەرمانی سەرتاسەری جیهان هەوڵەكانیان چڕكردووەتەوە بۆ دۆزینەوەی ڤاكسینێكی كارا بە ئامانجی لەناوبردنی ڤایرۆسی(كۆڤید -19) كە تووشی زیاتر لە(٣٠) ملیۆن كەس بووە و لەو ژمارەیەك تا ئێستا نزیكەی یەك ملیۆن كەس بەهۆی ئەو ڤایرۆسەوە گیانیان لەدەستداوە.

لەلای خۆشیەوە وتەبێژی ڕێكخراوی تەندروستی جیهانیی لە لێدوانێكیدا ئەوەی ئاشكراكردووە كە بەدوری دەزانن تا ناوەڕاستی ساڵی داهاتوو هیچ ڤاكسینێك بۆ ڤایرۆسی( كۆڤید-19) بەردەست بێت و ڕەنگە ئەگەر ڤاكسینێكیش بدۆزرێتەوە نەتوانرێت بە خێرایی بە هەموو جیهاندا بڵاوبكرێتەوە، ئەمەش وا دەكات بەڵای كۆرۆنا درێژەی هەبێت.

سەرچاوە:elaph

 113 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*