سەرەکی » هەمەڕەنگ » سەربەست ئەحمەد

سەربەست ئەحمەد

سەربەست ئەحمەد محەمەد ساڵی 1965 لەکەلار لەدایکبووە، دەرچووی پەیمانگەی هونەرە جوانەکانی سلێمانییە ساڵی 1986-1987، لەکاتی پەیمانگە بەردەوام بە نواندن و دەرهێنان بەشداریی لە کارە شانۆییەکان و فێستیڤاڵەکاندا کردووە. دامەزرێنەری تیپی شانۆیی و مۆسیقای کەلار بووە.

بەشێک لەو بەرهەمە شانۆیی و دراماو فیلمانەی بەشداری تێدا کردووە:
(مانگ هەڵهاتن، شۆڕشی مردووەکان، رووبار، چارەنووسی ئادەمیزاد، دیوار، پڵنگەکان لەڕۆژی دیمیدا، گەشتە کەتاڵە، دەریا، فایلی 67، رێبواری شەو، بەرەو خۆر).

دراماکانی (رەشەی پۆلیس، حەسەنە فەنی، درامای جومعە، سەراب، درامای دووپشک، یوسف ناگەڕێتەوە، بەختە باران)، فیلمە سینەماییەکانی (سەمای ئەسپەکان، شایستە، بڕیار، ئەنفال، گەڕانەوە)، وەک بەڕێوبەری بەرهەمیش لەفیلمی سینەمایی (کۆشکی مێروولەکان)دا بەشداریی کردووە.

بەدەر لەکاری هونەریی لەئێستادا سەربەست ئەحمەد فەرمانبەره لەبەڕێوبەرایەتی گشتی رۆشنبیریی و هونەری گەرمیان، لەسەرجەم فێستیڤاڵەکانی گەرمیاندا کاریکردووەو ئامادەکاری کردووە وەک لیژنەی باڵای فێستیڤاڵی شانۆو سینەمای کلتوری گەلان.

لە پەیجی سینەما کورد-ەوە وەرگیراوە

 208 جار بینراوە

وڵامێک بەجێ بهێڵە

بەبێ پۆستی ئەلکترۆنی ناتوانی لێدوان بنووسیت *

*