سەرەکی » کەلتوور » چۆن خوێندنه‌وه‌ بکه‌ین به‌که‌لتوور

چۆن خوێندنه‌وه‌ بکه‌ین به‌که‌لتوور

لەڕۆژانی رابردوودا به‌چاودێری قائیمقامیه‌تی قه‌زای سه‌یدسادق گروپی خانمانی مێخه‌ک له‌سه‌یدسادق به‌هاوبه‌شی به‌ڕێوه‌به‌رێتی رۆشنبیری و هونه‌ری قه‌زای سه‌یدسادق له‌هۆڵی رۆشنبیریی سیمینارێکی بەناونیشانی (چۆن خوێندنه‌وه‌ بکه‌ین به‌که‌لتوور) بۆ نووسه‌ر ئارام سدیق به‌ڕێوه‌برد.
لەسەرەتای کۆڕەکەدا ئاماژه‌ به‌چالاکییه‌کانی ساڵی 2017ی گروپی خانمانی مێخه‌ک کرا، پاشان به‌ڕێوه‌به‌ری به‌ڕێوه‌به‌رێتی رۆشنبیری و هونه‌ری قه‌زای سه‌یدسادق تیشکی خسته‌ سه‌ر گرنگی ئه‌م کۆڕو سیمیناره‌و له‌هه‌مانکاتدا ئاماژه‌ی کرد به‌و چالاکییه‌ هونه‌ریی و که‌لتوورییانه‌ی که‌ هه‌وڵده‌دن له‌شه‌ش مانگی سه‌ره‌تای ئه‌م ساڵدا ئه‌نجامی بده‌ن.
دواتر ئارام سدیق بابەتی سیمینارەکە‌ی پێشکه‌شکردو پوخته‌ی باس و بابه‌ته‌کانی نێو دووتوێی کتێبی (چۆن خوێندنه‌وه‌ بکه‌ین به‌ کلتوور )ی خسته‌ڕوو، هەروەها کۆڕەکە بەگفتوگۆیه‌کی کراوە له‌لایه‌ن به‌شێک له‌ئاماده‌بووانه‌وه کۆتاییهات.

 126 جار بینراوە