قوباد تاڵەبانی لەگەڵ باڵیۆزی نوێی ئەمریکا لە عیراق کۆبۆوە
قوباد تاڵەبانی جێگری سەرۆک وەزیران لە هەولێر پێشوازیکرد لە ئەلینا رۆمانۆسکی باڵیۆزی نوێی ئەمریکا لە عیراق و پرۆسەی سیاسی عیراق و پەیوەندییەکانی نێوان هەولێر و بەغدا تاوتوێکران.
لە کۆبوونەوەکەدا کە رۆژی پێنج شەممە 16ی حوزەیرانی 2022 بەڕێوەچوو، جێگری سەرۆک وەزیران پیرۆزبایی لە ئەلینا رۆمانۆسکی کرد بەبۆنەی دەستبەکاربوونی وەک باڵیۆزی نوێی ئەمریکا لە عیراق و هیوای خواست لە ماوەی کارکردنیدا ئاستی پەیوەندییەکانی نێوان هەرێمی کوردستان و ئەمریکا لە بوارە جیاوازەکاندا بەرەوپێشچوونی زیاتر بەخۆیەوە ببینێت.
لە تەوەری سەرەکی کۆبوونەوەکەدا دۆخی سیاسی عیراق و ئاستەنگەکانی بەردەم پێکهێنانی حکومەتی نوێی عیراق تاوتوێکرا، قوباد تاڵەبانی رایگەیاند، لایەنە عیراقییەکان پێویستە رەچاوی هەستیاری دۆخەکە بکەن و بەنەرمی نواندن و کەمکردنەوەی ئاستی داواکارییەکانیان رێگری بکەن لە تێکچوونی سەقامگیری عیراق
لە کۆبوونەوەکەدا باڵیۆزی ئەمریکا پشتگیری تەواوی ئەمریکای بۆ هەرێمی کوردستان دووپاتکردەوە و جەختیکردەوە لە پەرەپێدانی پەیوەندییەکان لە بوارە جیاوازەکاندا و ستایشی هەوڵەکانی جێگری سەرۆک وەزیرانیشی کرد بۆ بەگژداچوونەوەی توندوتیژی خێزانی.
# قوباد تاڵەبانی
.jpg){kind=tracking}
