سەرەڕای هەوڵەكانی پارێزگای كرماشان لە رۆژهەڵاتی كوردستان، بەمەبەستی كردنەوەی دەروازەی مونزرییە لە خانەقین، بەڵام هێشتا حكومەتی عیراق دەروازەكەی بە رووی گەشتیاراندا نەكردۆتەوە.
بەهمەن ئەمیری موقەدەم، پارێزگاری كرماشان رایگەیاند: دوای نزیكەی سێ ساڵ لە داخستنی دەروازەکە بە هۆی كۆرۆنا و چەند كێشەیەكی ترەوە، ئێستا سەرجەم ئامادەكارییەكان تەواوبوون، بۆ ئەوەی دەروازەكە بكرێتەوە.
ئاشكراشیكرد: بڕیار لەسەر كردنەوەی دەروازەی مونزرییە دراوە، بەڵام هێشتا حكومەتی عیراق دەروازەكەی نەكردۆتەوە.
وتیشی: «بەگوێرەی رێكەوتننامەكان، كردنەوەی دەروازەی مونزرییە تەنیا لەسەر كات وەستاوە».