جه‌وله‌یه‌كی‌ نوێ له‌ خولی‌ نایابی‌ تۆپی‌ ده‌ست به‌ڕێوه‌ده‌چێت

سۆزیار یوسف

به‌سه‌رپه‌رشتی لیژنه‌ی ئۆلۆمپی هه‌رێمی كوردستان، یه‌كێتی ناوه‌ندی تۆپی ده‌ستی كوردستان، یارییه‌كانی خولی نایابی تۆپی ده‌ستی كوردستان بۆ وه‌رزی 2022  له‌سه‌ر ئاستی كوڕان بەردەوامە.
سه‌عات 2:30 ی پاشنیوه‌ڕۆی سبه‌ی‌  هه‌ینی 4 -11 - 2022، تیپی‌ تۆپی‌ ده‌ستی‌ یانه‌ی سۆران ده‌كات میوانداری یانه‌ی كه‌ركوك ده‌كات،  له‌هه‌مان ڕۆژ و كاتی ئاماژه‌ پێدراودا، یانه‌ی سلێمانی میوانداری یانه‌ی ئاڵا ده‌كات. 
 ڕۆژی شه‌ممه‌5 - 11 - 2022، سه‌عات 2:30 ی‌ پاش نیوه‌ڕۆ یانه‌ی كۆیه‌ میوانداری یانه‌ی هه‌ولێر ده‌كات. 
له‌خولی نایابی تۆپی دەستی کوردستان، شه‌ش یانه‌ به‌شدارن و یارییه‌كانیش به‌شێوازی خول و به‌یه‌ك قۆناغ له‌ماوه‌ی پێنج گه‌ڕدا به‌ڕێوه‌ده‌چێت.