جێگر خدر
لە راگەیەندراوێکیدا، بەڕێوەبەرایەتی ئاسایشی راپەڕین بڵاویکردووەتەوە، کە لە چالاکییەکییاندا 10کەسیان دەستگیر کردووە، لەگەڵ ئەو تۆمەتبارانە "نیو کیلۆ مادەی ھۆشبەر و زیاتر لە ملیۆنێک و دووسەد ھەزار دیناری ساختە و کڵاشینکۆفێک و دوو دەمانچە" دەستیان بەسەردا گیراوە.
راشیگەیاندووە، گیراوەکان دانیشتووی قەزاکانی رانیە و حاجیاوا و ناحیەی چوارقوڕنە بوون، لە ناویشییاندا بازرگان و بەکارھێنەری مادەی ھۆشبەر ھەیە.
