لە هۆڵی خاك لە سلێمانی، رێوڕەسمی ئاهەنگی دەرچوونی خوێندكارانی خولی شەهید ئاشتی، بە ئامادەبوونی سەركەوت زەكی لێپرسراوی مەكتەبی رێكخستن، ستران عەبدوڵڵا لێپرسراوی مەكتەبی راگەیاندن، بەڕێوەچوو، كە لەلایەن هەردوو مەكتەبی رێكخستن و راگەیاندنەوە بە هاوكاریی كەناڵی ئاسمانیی گەلی كوردستان، رێكخرابوو.
خولەكە بۆ ژمارەیەك كادری حزبی و پێگەیاندنیان لە بواری راگەیاندندا كرابۆوە و لەلایەن ژمارەیەك مامۆستای زانكۆوە بەشێوەی تیۆری وانە دەوترایەوە، دواتر وانە پراكتیكییەكان لە كەناڵی ئاسمانیی گەلی كوردستان لەلایەن ژمارەیەك میدیاكارەوە دەوترایەوە.
لە كۆتایی رێوڕەسمەكەدا بڕوانامەی رێزلێنان بەخشرایە مامۆستایان و خوێندكارانی خولی راگەیاندنی شەهید ئاشتی.
خولەكە ماوەی یەك مانگ بەردەوام بوو کە ئامانجی پێگەیاندنی كادری راگەیاندنە، مەكتەبی رێكخستن بۆ ئایندەش بەردەوام دەبێت لە كردنەوەی ئەم جۆرە خولانە.
