وەفدێکی یەکێتی بەشداری جەژنی چوارشەممەی سۆری ئێزدییەکان دەکات

08:54 - 2023-04-19
عیراق
220 جار خوێندراوەتەوە

پێشنیوەرۆی رۆژی چوارشەمە  19ی نیسانی 2023 وەفدێکی یەکێتیی نیشتمانیی کوردستان، بە سەرۆکایەتی ھەڤاڵ ئاراس محەمەد ئاغا، لێپرسراوی مەڵبەندی حەوتی موسڵ، بەھاوڕێیەتی عەقید عبدالله کۆرەکی، فەرماندەی لیوای 728ی ھێزەکانی پێشمەرگە و وەفدێکی باڵای مەڵبەند و ژمارەیەك کادرانی دەڤەرەکە لە قەزای شێخان و ناحیەی بەعشیقەی سنووری پارێزگای موسڵ، بەشداری کرد لە جەژنی چوارشەممەی سۆر "سەری ساڵی ئێزیدیەکان".

لەمیانەی بەشداری لە جەژنەکەدا، لێپرسراوی مەڵبەند و وەفدی یەکێتی سەردانی ئەنجومەنی کۆبوونەوەی بەعشیقە و بەحزانیی کرد و چاویکەوت بە ژمارەیەك کەسایەتی و ریشسپی و قەواڵی ئێزیدیەکان، ھەروەھا لە قەزای شێخان سەردانی ماڵی بابە شێخ، سەرۆکی روحانی ئێزدی و ھەڤاڵ حسێن حەسەن نەرمۆ و ئەمیر خدیدا حسۆ کرد.

لە درێژەی سەردانەکەدا لێپرسراوی مەڵبەند و وەفدی ھاوڕێ سەردانی ژمارەیەك خانەوادەی کەسوکاری شەھیدانیان کرد لە برا ئێزدییەکان، لەوانەش شەھید درمان نەرمۆ و درویش قرۆ و خالد خەلەف و حسێن خدر و چەند خانەوادەی تری شەھیدان لە کۆمەڵگەی بوزا و شێخکا.

دواین وێستگەی سەردانی ئاراس محەمەد ئاغا، لێپرسراوی مەڵبەند سەنتەری گەنجانی خەتاری بوو و لە لایەن بەرپرس و ستافی سەنتەرەکەوە پێشوازیکران

لەو سەرەدانانەدا وەفدی یەکێتیی نیشتمانیی کوردستان پیرۆزبایی خۆیان و سەرکردایەتی یەکێتیان گەیاندە خوشك و برا ئێزدییەکان و ھیوایان خواست ھەمیشە لە جەژن و خۆشیدابن .

بابەتە پەیوەندیدارەکان