وەزارەتی بازرگانی عيراق رایگەیاند، ئامادەکارییەکانی کاروانی سێیەمی بەشەخۆراکی مانگانەی ئەمساڵ تەواوبووە و بڕی پێویستی خۆراک لە کۆگاکانی کۆمپانیای دابەشکردنی خۆراک لە سەرجەم پارێزگا و قەزا و ناحیەکان دانراوە و بریکارەکانی خۆراکیش پشکەکانیان وەرگرتووە.
بازرگانی عيراق داوا لە ھاووڵاتیانیش دەکات سەردانی بریکارەکانی خۆراک بکەن بۆ وەرگرتنی بەشەخۆراکی مانگانەیان و لەکاتی بوونی ھەر سەرپێچییەکیش پەیوەندی بە فەرمانگەی چاودێری وەزارەتەوە بکەن.
