سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان سەبارەت بە گیانلەدەستدانی ژمارەیەك هاونیشتمانی لە سنووری ئیتاڵیا، پەیامێکی بڵاوکردەوە و رایگەیاند: خەمێكی گەورەیە و لە دڵەوە نیگەرانین.
هەروەها پرسە و هاوخەمیی قووڵی ئاراستەی خێزان و كەسوكارە بەڕێزەكانیان کرد و خۆی بە هاوبەشی ئەم ماتەمە زانی.
لە بەشێکی تری پەیامەکەدا، سەرۆک بافڵ، رایگەیاند: چەند بارەبوونەوەی ئەم رووداوە ناخهەژێنانە مایەی بەخۆداچوونەوە و راچڵەكینێكی گەورەیە تاوەكو بەرپرسیارانەتر مامەڵە بكەین.
هەروەها وتیشی: لەژێر سایەی حوكمڕانییەكی تەندروستدا ژیانێكی شایستەتر بۆ خەڵكەكەمان دابین بكەین و چیتر گەنجەكانمان كە گەورەترین سەرمایەی نیشتمانن نائومێدنەكرێن.
لە کۆتایدا سەرۆک بافڵ رایگەیاند: لە خوای گەورە داواکارین قوربانیان بە بەهەشتی بەرین شاد بکات و سەبووری و ئارامی بە هەموولایەك ببەخشێت.