ئەمڕۆ سێشەممە 2022/6/21 دەرباز کۆسرەت رەسوڵ کارگێڕی مەکتەبی سیاسی یەکێتیی نیشتمانیی کوردستان پێشوازیکرد لە مارتین یێگەر باڵیۆزی ئەڵمانیا لە عیراق و وەفدی هاوڕێی.
لە دیدارەکەدا کە دکتۆر رێبوار ئیسماعیل ئەندامی سەرکردایەتی ئامادەی بوو، گفتوگۆکرا لەبارەی دۆخی کوردستان و عیراق و ناوچەکە، دەرباز کۆسرەت رەسوڵ دیدگای یەکێتیی خستەڕوو و دووپاتیکردەوە کە پێویستە هەنگاوەکان خێراتر بکرێن و گفتوگۆکان بچنە قۆناغێکی تازەترەوە.
بەشێکی تری دیدارەکە گفتوگۆکردن بوو لەبارەی پەیوەندییەکانی هەرێمی کوردستان و ئەڵمانیا و جەختیان لە پەرەپێدانی زیاتری پەیوەندییەکان کردەوە.
