خوێندنەوەیەکی پەروەردەیی بۆ چیرۆکەکانی خاتوو گەلاوێژ

دكتۆر ژینۆ عەبدولڵا

(خوێندنەوەیەكی پەروەردەیی بۆ چیرۆكەكانی خاتوو گەلاوێژ، تایبەت بە مێردمنداڵان) نوێترین لێكۆڵینەوەی تایبەتە بە ئەدەبیاتی خاتوو گەلاوێژ.
ئەم بەرهەمە لە نووسینی مامۆستا مەحمود باجەڵان –ە،كتێبێكی جیاوازە لەتێڕوانین و وردبوونەوە لەناوەڕۆك و روخساری نووسینەكانی ئەم نووسەر و رۆماننووسە.دكتۆر ژینۆ عەبدولڵا لە وێب سایتی خاتوو گەلاوێژ پبە دوالاپەڕەی راگەیاند: ئەم بە رهەمە دیدێكی نوێیە بۆ لێكدانەوەی چیرۆك و رۆمان و نووسین بەتایبەت ئەو نووسینانەی كە بۆ منداڵان و مێردمنداڵان نووسراون، گرنگی و بایەخی ئەم كتێبە خستنەڕووی خاڵە جەوهەری و بنەڕەتییەكانی ئەو چیرۆكانەیە كە خاتوو گەلاوێژ بۆ مێردمنداڵانی نووسیووە و بەجدی هەوڵی داوە لە رێیانەوە دیدو پەیام و ئەو ئامانجانە بهێنێتەدی كە ئاڕاستەیەكی پۆزەتیڤ بۆ مێردمنداڵان دەستنیشان بکات و لەمیانەیاندا ئەو بەهاو ئاكارو رەفتارانە بچەسپێنێ كە تاكێكی هۆشیارو بیركراوە و ئاوەزمەند بونیاد دەنێت.
دكتۆر ژینۆ عەبدولڵا باسی لە وەشكرد: نووسەری كتێبەكە مامۆستا مەحمود باجەڵان، بە وردیەوە پەنجەی خستووەتە سەر یەك بەیەكی خاڵە پەروەردەیی و دەروونییەكانی چیرۆك و رۆمانەكان و ئەوەی باسكردووە كە بوونی ئەو چیرۆك و كتێبانەی خاتوو گەلاوێژ چۆن بەمەبەست ئاوڕی لە ئێستا و ئایندەی چەندین لایەنی ژیانی مێردمنداڵان و گەنجان و ژنان داوەتەوە.
ئەم كتێبە یەكێكە لەبەرهەمە نوێكانی چاپكراوی وێبساتی خاتوو گەلاوێژە و لە داهاتوویەكی نزیكدا مەراسیمی ناساندنی بۆ دەكرێت.
دوالاپەڕە