دیدار: بادینان
پێشكێشكارە ل رادیویا بادینان، دگەل هەڤكارا خوە (عەزیزایێ) ل حەفتیێ جارەكێ (بەرنامێ نیرۆژ) پێشكێش دكەن و بەرنامەكێ خوە یێ تایبەت ژی هەیە، ب ناڤێ (تیرۆژ). ئەڤ بەرنامەیە ژی، ژ بەرهەڤكرن و پێشكێشكرنا وێ ب خوەیە و بەرنامەكێ كومەلایەتییە.
دەما مە پرسیار ژێكری، تە بوچی بەرنامێ كومەلایەتی هەلبژارت، رەنگە بەرنامەكێ هەمەرەنگ یان ھونەری یان ئەدەبی زێدەتر گوھدارێ خوە هەبیت؟ گوت: «بابەتێن كومەلایەتی گەلەك د گرنگن، ژبەركو پرانییا گوھدارێن رادیویێ ئەگەر خواندەڤا ژی بن، یێن ل سەر كارێ خوە و ژن ل لێنانگەهێ و دگەل ڤان بابەتان، گوھدار دگەل كێشێن كومەلایەتی دمینیت، گوھدارییا بابەتێن پێگەهاندنێ دكەت، دێ چاوان شێن خێزانەكا سەركەفتی برێڤەبەن و دێ چاوان شێن كێشێن خوە چارەسەر كەن و دێ چاوان شێن ژیانەكا خۆش بەنە سەری».
رەحان دۆسكی بەحسا كارێ خوە ل رادیویا بادینان كر و گوت: «ئەڤە دوو سالن ئەز كارێ راگەهاندنێ ل رادیویا بادینان دكەم و هەڤكارێن من یێن رادیویێ، هاریكارن دگەل من و ئەم وەك تیم كار دكەین».
لدوور هەلبژاردەیا پێشكێشكارییێ ل رادیویێ یان تیڤیێ؟ گوت: «رەنگە ل رادیویێ مرۆڤ ئازادتر بیت وەك ل سەر تیڤیێ و بەرنامەكێ راستەوخو، بۆ من هەردوو ئاسایینە و ئەز حەژ هەردوویان ژی دكەم، لێ مەبەستا من بابەتێن كومەلایەتی بوو، دڤان بابەتاندا مرۆڤ ئازادانەتر دگەل گوھداری دمینیت و مرۆڤ دشێت باشتر پەیاما خوە بگەھینیت».
